عصیاں کا بار اٹھائے عاصی یہ اپنے سر پر
آیا ہے اس یقیں سے بگڑی بنے گی سرور
Asyaan ka baar uthae aasi ye apne sar par
Aaya hai is yaqeen se bigri bane gi sarwar
منزل کٹھن ہے گرچہ ، دشوار راستے ہیں
پر میں نہیں پریشاں ، سرکارؐ جو ہیں رہبر
Manzil kathan hai garchah, dushwar raste hain
Par mein nahi pareshan, sarkar jo hain rahbar
ان کا میں اُمّتی ہوں جن کے کرم کے صدقے
کُل عاصیوں کو مولا بخشے گا روزِ محشر
Un ka mein Ummati hoon jin ke karam ke sadqae
Kul aaye ko Maula bakshe ga roz-e-mahshar
چھڑوائیں گے مجھے بھی مشکل کی اس گھڑی میں
میرا غلام ہے یہ ، محشر میں اتنا کہہ کر
Chudwaein ge mujhe bhi mushkil ki is ghari mein
Mera ghulaam hai ye, mahshar mein itna keh kar
اے کاش آئے وہ دن ہو سامنے مواجہ
تیری سنہری جالی تکتا رہوں برابر
Ae kaash aaye wo din ho samne mawajah
Teri sunhari jaali takta rahoon barabar
حضرت بلالؓ ، تیری الفت پہ جاؤں قرباں
کہا لا الہ ہر دم ظلمِ کثیر سہہ کر
Hazrat Bilal, teri ulfat pe jayon qurban
Kaha la ilaha har dam zulm-e-kaseer seh kar
میں بھی جلیل اپنے ہر درد کی کہانی
خود ان سے جا کہوں گا گر لے گیا مقدر
Mein bhi Jaleel apne har dard ki kahani
Khud un se ja kahoon ga gar le gaya muqaddar
Share This Naat
Share with friends and family
عصیاں کا بار اٹھائے
حافظ عبدالجلیل