دونوں جہاں میں یا نبیؐ کوئی نہیں ترا جواب
تو ہے رسول مجتبیٰ تو ہے خدا کا انتخاب
Dono jahan mein ya Nabi (SAW), koi nahin tera jawab
Tu hai Rasool-e-Mujtaba, tu hai Khuda ka intekhab
گلشن کائنات کو تجھ سے ملا ہے رنگ و نور
چہرہ آفتاب کو تجھ سے ملی ہے آب و تاب
Gulshan-e-kainaat ko tujh se mila hai rang o noor
Chehra-aftab ko tujh se mili hai aab o tab
ہے تری ذات پاک کا سرور انبیاء لقب
حق سے عطا ہوا تجھے رحمت عالمیں خطاب
Hai teri zaat-e-pak ka Sarwar-e-Anbiya laqab
Haq se ata hua tujhe Rahmat-alameen khitab
حسن کی آبرو بھی تو عشق کی جستجو بھی تو
حسن بھی تجھ سے بامراد‘ عشق بھی تجھ سے کامیاب
Husn ki aabru bhi tu, ishq ki justuju bhi tu
Husn bhi tujh se ba-murad, ishq bhi tujh se kamiyab
تیری طرح ہے بے عدیل تیری طرح ہے بے مثیل
لایا ہے تو جو معجزہ اتری ہے تجھ پر جو کتاب
Teri tarah hai be-adeel, teri tarah hai be-maseel
Laya hai tu jo mo'jza utari hai tujh par jo kitaab
تیری نگہ کے روبرو سرمکان و لامکاں
تیری نظر کے سامنے عالم قدس بے حجاب
Teri nigah ke roobaru, sar-e-makaan o la-makaan
Teri nazar ke samne alam-e-quds be-hijab
مشرب اہل درد میں ہے تیری یاد بھی کرم
مذہب اہل عشق میں ہے تیرا ذکر بھی ثواب
Mashrab-e-ahl-e-dard mein, hai teri yaad bhi karam
Mazhab-e-ahl-e-ishq mein, hai tera zikr bhi sawab
تیری جناب کے لئے میری تمام خواہشیں
یہ میرا سوز و درد و شوق یہ میرا کرب و اضطراب
Teri janab ke liye, meri tamaam khwahishein
Yeh mera soz o dard o shauq yeh mera karb o iztirab
اے میرے ہادی و رسولؐ ہے تیری التجا قبول
بارگاہ الٰہ میں تری دعا ہے مستجاب
Ae mere Haadi o Rasool (SAW), hai teri iltija qubool
Bargaah-e-Ilahi mein, teri dua hai mustajab
تیرے نثار اے کریم ! مجھ سے گدا کو کر عطا
تاب و تب دل بلال گرمئی سینہ خباب
Tere nisaar ae Kareem! Mus se gada ko kar ata
Taab o tab dil-e-Bilal, garmiye seena-e-Khabbab
منزل شوق ہو میری جلوؤں سے تیرے مستنیر
ہو میری راہ شوق میں سایہ کناں تیرا سحاب
Manzil-e-shauq ho meri, jalwo se tere mustaneer
Ho meri raah-e-shauq mein saaya-kanaan tera sahab
شافع حشر رحمتیں ہوں تری میری پردہ پوش
روز حساب پیش ہو میرے عمل کا جب حساب
Shafi-e-Hashr rahmatain, hoon teri meri parda posh
Roz-e-hisaab pesh ho, mere amal ka jab hisaab
کتنا نظر فروز ہے تیری عطا کا سلسلہ
کتنا نظر نواز ہے تیری عنایتوں کا باب
Kitna nazar faroz hai, teri ata ka silsila
Kitna nazar nawaz hai, teri inayaton ka bab
تا بہ ابد نہ ہو خموش خو گر نغمہ سروش
یہ میری شاعری کا ساز یہ میرے عشق کا رباب
Ta ba abad na ho khamosh, khoogar-e-naghma-e-surosh
Yeh meri shayari ka saaz, yeh mere ishq ka rabaab
میری مراد زندگی جنبش چشم لب تری
ہے ترے در پہ ملتجی مظہر خانماں خراب
Meri murad-e-zindagi, jumbish-e-chashm-e-lab teri
Hai tere dar pe multaji, Mazhar-e-Khanman Kharab
Share This Naat
Share with friends and family
دونوں جہاں میں یا نبیؐ کوئی نہیں ترا جواب
مظہر الدین مظہر