شب کی تنہائی میں دل کی بے قراری کو سلام
فکرِ امت میں نبی کی آہ و زاری کو سلام
Shab ki tanhai mai dil ki beqarari ko salam
Fikr-e-ummat mai Nabi ki aah o zari ko salam
سبز گنبد کی فضا کی خوش گواری کو سلام
مصطفےٰ کے آستاں کی نورباری کو سلام
Sabz gunbad ki fizaa ki khush gawari ko salam
Mustafa ke aastan ki noorbari ko salam
ربِ ھبلی امتی کی وہ صدائے دل خراش
بہرِ امت مصطفےٰ کی بے قراری کو سلام
Rab-e-habl-e-ummat ki woh sada-e-dil kharaash
Bahr-e-ummat Mustafa ki beqarari ko salam
رحمتہ للعالمیں کے روضۂ پُر نور پر
حضرتِ جبریل تیری پہرہ داری کو سلام
Rehmat-ul-lilalamin ke roza-e-pur noor par
Hazrat-e-Jibrail teri pehra dari ko salam
اپنے رخ پر مل کے ہوتے ہیں منور مہروماہ
احمدِ مختار کی گردِ سواری کو سلام
Apne rukh par mil ke hote hain munawar mehr o mah
Ahmed-e-Mukhtar ki gard-e-sawari ko salam
آسماں نے بھی نہ دیکھا اُن کو بے پردہ کبھی
فاطمہ زہرا کی ایسی پردہ داری کو سلام
Aasman ne bhi na dekha unko be parda kabhi
Fatima Zahra ki aise parda dari ko salam
صاحبانِ اِذ ھُما فی الغار پر لاکھوں درود
یعنی بو بکر و شہِ ذی شاں کی یاری کو سلام
Saahibaan-e-Iz Huma Fil Ghaar par lakhoon durood
Yani Bakar o Shah-e-Zeeshan ki yaari ko salam
حیدرِ کرار کی شانِ شجاعت پر درود
اور حسین ابنِ علی کی جاں نثاری کو سلام
Haider-e-Karrar ki shaan-e-shujaat par durood
Aur Hussain Ibne Ali ki jaan nisari ko salam
وہ کلام اپنا سجاتے تھے نبی کے نام سے
حضرتِ حسان کی مدحت نگاری کو سلام
Woh kalam apna sajate the Nabi ke naam se
Hazrat-e-Hassan ki madah negari ko salam
جامعِ اقوالِ شاہِ بحر و بر پر ہو درود
ترمذی، مشکواۃ، مسلم اور بخاری کو سلام
Jaame-e-Aqwal-e- Shah-e-Bahr o Barr par ho durood
Tirmidhi, Mishkat, Muslim aur Bukhari ko salam
حج کی خاطر بھی نہیں تصویر کھنچوائی گئی
مفتیِ اعظم تِری پرپیزگاری کو سلام
Hajj ki khaatir bhi nahin tasveer khinchwai gayi
Mufti-e-Aazam teri parhezgari ko salam
روضہ ء سرکار کے دیدار کی خاطر شفیقؔ
دل کے کونے میں مچلتی بے قراری کو سلام
Roza-e-Sarkar ke deedaar ki khaatir Shafeeq
Dil ke kone mai machalti beqarari ko salam
Share This Naat
Share with friends and family
شب کی تنہائی میں دل کی بے قراری کو سلام
شفیق ؔ رائے پوری