تیری یادوں کا ہر لمحہ تازہ خوشبو جیسا ہے
خوابوں کا اِک جھرنا بن کر دل میں گرتا رہتا ہے
Teri yaadon ka har lamha taza khushbu jaisa hai
Khwaabon ka ik jharna ban kar dil mein girta rehta hai
اپنی گردِ پا کو میری آنکھوں سے مس ہونے دے
میرے اندر بھی اِک تیرا خادم چھُپ کر بیٹھا ہے
Apni gard-e-paa ko meri aankhon se mas hone de
Mere andar bhi ik tera khadim chup kar baitha hai
جانے والے پھولوں جیسے چہرے لے کر آتے ہیں
تیرے گھر کو جانے والا رستہ کیسا رستہ ہے
Jane wale phoolon jaise chehre le kar aate hain
Tere ghar ko jane wala rasta kaisa rasta hai
اُس بستی کے سائے بانٹیں بے نُوروں میں اپنا نور
اُس بستی میں سونے والا سورج بن کر اٹھتا ہے
Us basti ke saaye baanten be nooron mein apna noor
Us basti mein sone wala sooraj ban kar uthta hai
میری سوچوں سے بھی اونچا میرے خوابوں سے بھی دُور
تیرا اِک اِک ساتھی کتنا سچا کتنا اچھا ہے
Meri sochon se bhi ooncha mere khwaabon se bhi door
Tera ik ik saathi kitna sacha kitna acha hai
میری باتوں میں گر ہو نہ خوشبو تیری باتوں کی
میں سمجھوں گا میرا دل بھی جلتا بجھتا صحرا ہے
Meri baaton mein gar ho na khushbu teri baaton ki
Main samjhoonga mera dil bhi jalta bujhta sehra hai
جو کچھ بھی ہے جیسا بھی ہے، اس پر اپنی چادر ڈال
انجؔم تیرا نوکر، تیرا خادم، تیرا بچہ ہے
Jo kuch bhi hai jaisa bhi hai, is par apni chadar daal
Anjam tera naukar, tera khadim, tera bacha hai
Share This Naat
Share with friends and family
تیری یادوں کا ہر لمحہ تازہ خوشبو جیسا ہے
انجم نیازی