آسمانِ نعت پر جس وقت آیا قافیہ
رشکِ مہر و ماہ و اَنجُم بن کے چمکا قافیہ
Aasman-e-naat par jis waqt aaya qafiya
Rashk-e-mehr o maah o anjum ban ke chamka qafiya
ٹھہرا باراتِ قوافی میں وہ دولہا قافیہ
نعت کا سہرا سجاکر جو بنایا قافیہ
Thehra baraat-e-qawafi mein woh dulha qafiya
Naat ka sehra saja kar jo banaya qafiya
وصفِ ناخن کو ہلالِ عید باندھا قافیہ
اے معظّم ! آپ نے بھی خوب تاکا قافیہ
Wadsf-e-nakhun ko hilaal-e-eid bandhha qafiya
Aye Mo'azzam! Aap ne bhi khoob taka qafiya
چہرہٕ مہرِ رسالت کی تجلی نَظم ہو
مَطلَعِ اِلہام سے اترے چمکتا قافیہ
Chehra-e-mehr-e-risalath ki tajalli nazm ho
Matla-e-ilhaam se utaray chamakta qafiya
ہے تمنّائے قبولیّت تو لکھ اِخلاص سے
دیکھتے وہ کب ہیں کیسا وزن ہے کیا قافیہ ؟
Hai tamannaye qabooliyyat to likh ikhlas se
Dekhte woh kab hain kaisa wazan hai kya qafiya?
قافیوں کے مُلک میں مخصوص کس کی مِلک ہے ؟
کیا لگا رکھی ہے یہ تیرا یہ میرا قافیہ ؟
Qafiyoun ke mulk mein makhsoos kis ki milk hai?
Kya laga rakkhi hai yeh tera yeh mera qafiya?
جو نہ رکّھا نعت میں وہ قافیہ کہنے لگا
مجھ کو چھوڑا کیوں ؟ اسے کیونکر بنایا قافیہ؟
Jo na rakkha naat mein woh qafiya kehne laga
Mujh ko chhoda kyon? ise kyun kar banaya qafiya?
باندھنا ہے مجھ کو مضمونِ رَفَعنَا یا نبی !
دیجیے مجھ کو کوئی اونچے سےاونچا قافیہ
Baanth na hai mujh ko mazmoon-e-rafana ya Nabi!
Dijiye mujh ko koi oonche se ooncha qafiya
آگیا سیلِ مَعانی خود حصارِ ذہن میں
نعت کے عنوان پر جب میں نے سوچا قافیہ
Aagaya sail-e-ma'ani khud hisar-e-zehn mein
Naat ke unwaan par jab main ne socha qafiya
باندھتے ہی زلف کا مضمون ،یوں برسی گھٹا
مہکی مہکی ہے ردیف ، اور نکھرا نکھرا قافیہ
Baanthte hi zulf ka mazmoon, yun barasi ghata
Mehki mehki hai radeef, aur nikhra nikhra qafiya
سانپ کہنا زلف کو ، تمدیح میں ممنوع ہے
ان کی زلفوں کےلیے رکھیے نہ اَفعٰی قافیہ
Saanp kehna zulf ko, tamdiih mein mamnoo hai
In ki zulfon ke liye rakkhiye na af'ya qafiya
ہو سکا پھر بھی نہ وصفِ رُخ ،اگرچہ لائے ہم
صبح ، سورج ، چاند ، تاروں اور گُل کا قافیہ
Ho saka phir bhi na wasf-e-rukh, agarche laaye hum
Subah, sooraj, chand, taaron aur gul ka qafiya
بے سبب تکرار ہوتی ہے میانِ شاعراں
”نعت میں ہوتا نہیں ہے کوئی چھوٹا قافیہ“
Be sabab takraar hoti hai mian-e-sha'iran
"Naat mein hota nahin hai koi chhota qafiya"
پڑھیے دیوانِ رضا اور دل سے پھر یہ پوچھیے
کس میں ہمّت ہے ؟ کہ بَرتے اب رضا سا قافیہ
Parhiye deewan-e-Raza aur dil se phir yeh poochhiye
Kis mein himmat hai? ke barte ab Raza sa qafiya
سوچتا ہوں نعت آقا کی کوئی ایسی لکھوں
لَوح جس میں ہو ردیف اور شاخِ طُوبٰی قافیہ
Sochta hoon naat Aaqa ki koi aisi likhoon
Lauh jis mein ho radeef aur shaakh-e-Tooba qafiya
اے معظمؔ ! حسنِ روئے جانِ عالَم دیکھ کر
شاعروں کو یاد آجاتا ہے بھولا قافیہ
Aye Mu'azzam! husn-e-roye jaan-e-aalam dekh kar
Sha'iron ko yaad aajata hai bhoola qafiya
Share This Naat
Share with friends and family
آسمانِ نعت پر جس وقت آیا قافیہ
معظم سدا معظم مدنی