ہوا نہ ہوگا کبھی حشر تک نبی کوئی
تمام میرے نبی پر پیمبری کا شرف
Hua na hoga kabhi hashr tak Nabi koi
Tamam mere Nabi par paimabari ka sharf
خدا کا شکر حرم میں ہے حاضری کا شرف
یہاں نصیب سے ملتا ہے بندگی کا شرف
Khuda ka shukr haram mein hai hazri ka sharf
Yahan naseeb se milta hai bandgi ka sharf
نظر میں ہیچ ہے تاجِ سکندری کا شرف
جبیں کو مل گیا خاکِ درِ نبی کا شرف
Nazar mein hech hai taj-e-Sikandari ka sharf
Jabeen ko mil gaya khaak-e-dar-e-Nabi ka sharf
سند مجھے بھی یقینا ملے گی بخشش کی
نبی نے بخشا ہے مجھ کو بھی حاضری کا شرف
Sanad mujhe bhi yaqeenan milegi bakhshish ki
Nabi ne bakhsha hai mujh ko bhi hazri ka sharf
مرے نبی کا ہی سکہ چلے گا محشر میں
گناہ گاروں کو بخشیں گے جنتی کا شرف
Mere Nabi ka hi sikka chalega mashar mein
Gunnahgaaron ko bakhshain ge jannati ka sharf
چمک پہ اپنی نہ اے چاند اس قدر اترا
نبی کے حسن کا صدقہ ہے چاندنی کا شرف
Chamak pe apni na ae chaand is qadar itra
Nabi ke husn ka sadqa hai chaandni ka sharf
ہوا، نہ ہوگا کبھی حشر تک نبی کوئی
تمام میرے نبی پر پیمبری کا شرف
Hua, na hoga kabhi hashr tak Nabi koi
Tamam mere Nabi par paimabari ka sharf
شفیقؔ اپنے مقدر پہ ناز کیوں نہ کرے
ملا ہے اس کو مدینے میں حاضری کا شرف
Shafiq apne muqaddar pe naaz kyon na kare
Mila hai us ko Madine mein hazri ka sharf
Share This Naat
Share with friends and family
ہوا نہ ہوگا کبھی حشر تک نبی کوئی
شفیق ؔ رائے پوری