راستہ دکھاتا ہوں نعت کے اجالے سے
میں بھی جانا جاتا ہوں نعت کے حوالے سے
Rasta dekhata hoon naat ke ujale se
Main bhi jana jata hoon naat ke hawale se
جب خیال آتا ہے صاحبِ دو عالم کا
روح میں اترتے ہیں بے بہا اجالے سے
Jab khayal aata hai sahib-e-do aalam ka
Rooh mein utarte hain bay beha ujale se
کب قرار پائے گا میرا دل مدینے کا
چبھ رہے ہیں سینے میں فرقتوں کے بھالے سے
Kab qarar paye ga mera dil madine ka
Chubh rahe hain sine mein farqaton ke bhalay se
ریگِ دل میں پھوٹا ہے آب ہجرِ طیبہ کا
سیر ہو کے پیتا ہوں درد کے پیالے سے
Regh-e-dil mein phoota hai aab hijr-e-taybah ka
Seer ho ke peeta hoon dard ke piyale se
جب اتاری جاتی ہے نعت میرے سینے پر
سرفراز ہوتا ہوں روشنی کے ہالے سے
Jab utaari jati hai naat mere seene par
Sarfaraz hota hoon roshni ke halay se
ٹھوکروں میں رکھتا ہے تاج و تختِ سلطانی
جس کو بھیک ملتی ہے کالی کملی والے سے
Thokron mein rakhta hai taj o takht-e-sultani
Jis ko bheek milti hai kali kamli walay se
آپ کو مواجہ پر حالِ دل سنانا تھا
فرطِ عشق سے لب پر پڑ گئے ہیں تالے سے
Aap ko mawajah par haal-e-dil sunaana tha
Farat-e-ishq se lab par par gaye hain talay se
Share This Naat
Share with friends and family
راستہ دکھاتا ہوں نعت کے اجالے سے
اشفاق احمد غوری