یوں با ادب کھڑا ہوں میں روضے کے سامنے
جیسے کوئی ستون ہو حجرے کے سامنے
Yun ba adab khara hoon mein roze ke samne
Jaise koi satoon ho hujre ke samne
آیا ہے نام آپؐ کا میری زبان پر
تو معتبر ہوا ہوں زمانے کے سامنے
Aya hai naam aapﷺ ka meri zuban par
To muatabar hua hoon zamane ke samne
اندر کی آنکھ سے انھیں یوں دیکھتا رہوں
لاہور جس طرح ہو مدینے کے سامنے
Andar ki aankh se inhein yun dekhta rahoon
Lahore jis tarah ho Madine ke samne
اسلوبِ تربیت یہ مرے مصطفؐےٰ کا ہے
باطن بھی رکھ دیا مرے شیشے کے سامنے
Usloob-e-tarbiyat yeh mere Mustafﷺa ka hai
Batin bhi rakh diya mere sheeshe ke samne
تھوڑی سی جگہ دے دیں مجھے بھی ملائیکہ
منبر کے آس پاسٗ مصّلے کے سامنے
Thodi si jagah de dein mujhe bhi malaikah
Minbar ke aas paas musalle ke samne
کچھ اور بھی ہو چشمہء فیضان سے عطا
دریا تو ایک بوند ہے پیاسے کے سامنے
Kuch aur bhi ho chashma-e-fayzan se ata
Darya to aik boond hai pyase ke samne
ہیں ساری زندگی کی نمازیں کھڑی ہوئی
اُس شہر میں کئے ہوئے سجدے کے سامنے
Hain sari zindagi ki namazein khadi hui
Us shehar mein kiye hue sajde ke samne
ہر وقت یوں نگاہ میں رہتی ہے زندگی
نقشہ ہو جیسے قبر کا بوڑھے کے سامنے
Har waqt yun nigah mein rehti hai zindagi
Naqsha ho jaise qabr ka boorhe ke samne
قدموں کے ساتھ میں بھی مظفر پڑا رہوں
بوبکر جیسے آپ کے سینے کے سامنے
Qadmon ke sath mein bhi Muzaffar para rahoon
Bobakr jaise aap ke seene ke samne
Share This Naat
Share with friends and family
یوں با ادب کھڑا ہوں میں روضے
مظفر وارثی