اکھیاں وچ اتھرو آجاندے بَل پیندا غم تھیں سینہ ایں
جد پاک نبی دے عاشق نوں آجاندا یاد مدینہ ایں
Akiyan wich athru aajande bal peenda gham to seena ay
Jad pak nabi de aashiq nu aajanda yaad madina ay
اکھیاں دا ویہڑا وس پیندا پُتلی وچ سوہنا آ رہندا
اکھیاں دے تائیں روون دا آجاندا جدوں قرینہ ایں
Akiyan da vehRa vas peenda putli wich sohna aa rehnda
Akiyan de tayi rover da aajanda jadon qareena ay
رو رو کے مندا حال ہووے دل درداں نال نڈھال ہووے
جس ویلے چیتے آجاندا ذوالحج دا پاک مہینہ ایں
Ro ro ke manda haal hove dil dardan nal ndhaal hove
Jis wailey chetay aajanda Zulhij da pak mehina ay
انج رہ کے دور مدینے توں سرکار دے شہر نگینے توں
مر جانا کاہدا مرنا ایں جی لیناں کاہدا جیناں ایں
Inj reh ke dor madine to Sarkar de shehr nagine to
Mar jana kahda marna ay je leena kahda jeena ay
مُڑ پھٹ پُرانے کھل گئے نے مڑ ہجر دے جھکھڑ جُھل گئے نے
ہنجواں نے میریاں اکھیاں دا مُڑ دتا ڈوب سفینہ ایں
mur phat puranay khul gaye ne mar hijr de jhakhar jhul gaye ne
Hanwan ne meriyan akhiyan da mur data doob safeena ay
جد ڈب ڈب تردیاں اکھیاں دی ہو گئی طہارت ہنجواں تھیں
اکھیاں دے اگے سوہنے دا آ گنبد گیا نگینہ ایں
Jad dab dab tardiyan akhiyan di ho gayi taharat hanjwan thon
Akhiyan de agay sohne da aa gunbad gaya nageena ay
کد صائم درداں مارے نے رب جانے شہر اوہ تکناں اے
جس شہر دے اندر اللہ دی رحمت دا کُل خزینہ ایں
Kad Sa'im dardan mare ne Rab jane shahr oh takna ay
Jis shehr de andar Allah di rehmat da kul khazina ay
Share This Naat
Share with friends and family
اکھیاں وچ اتھرو آجاندے بَل پیندا غم تھیں سینہ ایں
علامہ صائم چشتی