خُدا کے فضل کا اک شاہکار ہم بھی ہیں
گدائے سیدِؐ عالی وَقار، ہم بھی ہیں
Khuda ke fazl ka ek shahkar hum bhi hain
Gadaaye Syed-e-Aali Waqaar, hum bhi hain
ازل سے محوِ تماشائے یار ہم بھی ہیں
جمالِ شاہِؐ اُمَم پر نثار ہم بھی ہیں
Azal se maho-e-tamashaye yaar hum bhi hain
Jamal-e-Shah-e-Umam par nisaar hum bhi hain
ضیائے ماہِ عرب سے ہے اپنا دل روشن
چراغِ طُور کے آئینہ دار ہم بھی ہیں
Ziyaaye maah-e-Arab se hai apna dil roshan
Chiragh-e-Toor ke aaeena daar hum bhi hain
زمانہ طالبِ خیراتِ لطف ہے اُن سے
پُکار اے دلِ مضطر پُکار! ’’ہم بھی ہیں‘‘
Zamana taalib-e-khairat-e-lutf hai un se
Pukaar ae dil-e-muztar pukaar! ''Hum bhi hain''
بہ حقِّ چادرِ زہرہؓ اِدھر بھی ایک نظر
غبار راہ میں اے شہسوار! ہم بھی ہیں
B-haq-e-chaadar-e-Zahra idhar bhi ek nazar
Ghubaara raa'h mein ae Sheh-sawaar! hum bhi hain
اِس ایک بات پہ ہے فخر ہم فقیروں کو
کہ اُن کے اُمتّیوں میں شمار ہم بھی ہیں
Is ek baat pe hai fakhr hum faqeeron ko
Ke un ke ummatiyon mein shumaar hum bhi hain
حُضُور! ہم کو بھی بُلوائیے مدینے میں
لیے ہُوئے دلِ بے اختیار ہم بھی ہیں
Huzoor! hum ko bhi bulwaaiye Madine mein
Liye hue dil-e-beikhtiyaar hum bhi hain
یہ کس کریم کا دَر ہے، شہانِ وقت، جہاں
پُکارتے ہیں کہ اُمّیدوار ہم بھی ہیں
Yeh kis kareem ka dar hai, shahan-e-waqt, jahan
Pukaartay hain ke ummeedwaar hum bhi hain
ہمارا دھیان بھی طیبہ کے قافلے والو!
رواں دواں پسِ گرد و غبار ہم بھی ہیں
Hamari dhyaan bhi Taiba ke qafile waalo!
Rawaan dawann pas-e-ghubaar hum bhi hain
نظر جو اُن کی ہوئی ہم خزاں نصیبوں پر
تو پھر کہیں گے کہ رشکِ بہار ہم بھی ہیں
Nazar jo un ki hui hum khizaan naseebon par
To phir kahenge ke rashk-e-bahaar hum bhi hain
ہمیں بھی آپؐ سے اُمّید ہے شفاعت کی
اُٹھائے سَر پہ گناہوں کا بار ہم بھی ہیں
Humein bhi aap se ummeed hai shifat ki
Uthaye sar pe gunaahon ka baar hum bhi hain
صبا سے کہہ دو کہ جالی کو چُومنے کے لیے
بس ایک تُو ہی نہیں بے قرار، ہم بھی ہیں
Saba se keh do ke jaali ko choomne ke liye
Bas ek tu hi nahin beqaraar, hum bhi hain
جو پُل صِراط پہ ہم پر بھی پڑ گئی وہ نظر
تو پھر نصیرؔ سمجھ لو کہ پار ہم بھی ہیں
Jo pul-e-siraat pe hum par bhi par gayi wo nazar
To phir Naseer samajh lo ke paar hum bhi hain
Share This Naat
Share with friends and family
خُدا کے فضل کا اک شاہکار ہم بھی ہیں
سید نصیرالدیں نصیر