نظر دا فرش وچھاؤ حضور آئے نیں
دِلاں دی سیج سجاؤ حضور آئے نیں
Nazar da farsh vichaao Huzoor aaye ne
Dilan di sej sajaao Huzoor aaye ne
ستارے بن کے چمک جاؤ پلکاں تے اشکو
تسیں وی خوشیاں مناؤ حضور آئے نیں
Sitaare ban ke chamak jaao palkaan te ashku
Tuseen vi khushiyaan manao Huzoor aaye ne
نبی دی نعت دے ہر تھاں ترانے چھیڑ دیو
کرو وی رقص ہواؤ حضور آئے نیں
Nabi di naat de har thaan taraane chhed dyo
Karo vi raqs hawaao Huzoor aaye ne
نبی دی زُلف سیہ توں میں واراں قدر دی رات
سنبھل کے رہنا گھٹاؤ حضور آئے نیں
Nabi di zulf siyah ton mein waaraan qadr di raat
Sambhal ke rehna ghataao Huzoor aaye ne
جھکا کے نظر عقیدت اوہدی سلامی وچ
کھڑے ہو سارے ای جاؤ حضور آئے نیں
Jhuka ke nazar aqeedat ohdi salaami vich
Khade ho saare hi jaao Huzoor aaye ne
بنا کے ہار سلاماں اتے دروداں دے
بصد نیاز لیاؤ حضور آئے نیں
Bana ke haar salaaman ate daroodan de
Ba-sad niyaaz lyaao Huzoor aaye ne
دیو جے رُوحِ رضا نوں پیام صائم دا
قصیده نور بناؤ حضور آئے نیں
Deo je rooh-e-raza nu payaam Saaim da
Qaseeda noor banaao Huzoor aaye ne
Share This Naat
Share with friends and family
نظر دا فرش وچھاؤ حضور آئے نیں
علامہ صائم چشتی