کرم ہے خدا کا، خدا کی عطا ہے
مرے ہاتھ میں دامن مصطفی ہے
Karam hai Khuda ka, Khuda ki ata hai
Mere hath mein daaman Mustafa hai
کرم حاجیو! تم پہ کیسا ہوا ہے!
تمہیں مژدۂ مغفرت مل گیا ہے
Karam hajio! tum pe kaisa hua hai!
Tumhein mujda-e-maghfirat mil gaya hai
مبارک! شرف تم کو حج کا ملا ہے
نظارہ مدینے کا تم نے کیا ہے
Mubarak! sharaf tum ko hajj ka mila hai
Naziri madine ka tum ne kiya hai
خدا کے کرم سے بھری جھولیاں ہیں
نبی کی عنایت سے دامن بھرا ہے
Khuda ke karam se bhari jholiyan hain
Nabi ki inayat se daaman bhara hai
سدا خفیہ تدبیر سے رب کی ڈرنا
سنو! آخرت کا اِسی میں بھلا ہے
Sada khufiya tadbeer se Rab ki durna
Suno! aakhirat ka isi mein bhala hai
بالآخر مدینے کو چھوڑ آئے حاجی
کوئی غمزدہ ہے، کوئی رو رہا ہے
Balaakhir Madine ko chhod aaye Haji
Koi ghamzada hai, koi ro raha hai
چھٹا آہ! کعبہ، چھٹا سبز گنبد
چھٹا ہائے مکہ، مدینہ چھٹا ہے
Chhuta aah! Kaaba, chhuta sabz gunbad
Chhuta haaye Makka, Madina chhuta hai
ہے ہجر مدینہ میں رنجیدہ کوئی
تو آقا کے غم میں کوئی غمزدہ ہے
Hai hijr Madina mein ranjida koi
To aaqa ke gham mein koi ghamzada hai
مدینے سے رخصت کا ایک ایک لمحہ
محمد (صَلَّی اللہُ عَلَیْہِ وَاٰلِہٖ وَسَلَّم) کے عشاق پر جاں گزا ہے
Madine se ruksat ka ek ek lamha
Muhammad (SALLALLAHU 'ALAYHI WA AALIHI WA SALLAM) ke aashiq par jaan guza hai
سکونِ دل و جاں مدینے کی گلیاں
وہاں کا سماں کیف و مستی بھرا ہے
Sukoon-e-dil o jaan Madine ki galiyaan
Wahan ka samaa kaif o masti bhara hai
مجھے چشم نم دو، مدینے کا غم دو
اے شاہِ مدینہ! مری التجا ہے
Mujhe chashm nam do, Madine ka gham do
Aye Shah-e-Madina! meri iltija hai
میں حج کرنے آؤں مدینہ بھی دیکھوں
مرے دل میں یہ آرزو یاخدا ہے
Main hajj karne aaun Madina bhi dekhun
Mere dil mein ye aarzoo ya Khuda hai
خدا! ہر مسلماں کو حج و زیارت
کا دیدے شرف عاجزانہ دعا ہے
Khuda! har Musalman ko hajj o ziarat
Ka deday sharaf aajizaanah dua hai
وہ پھولا سماتا نہیں ہے خوشی سے
مدینے کا جس کو بلاوا ملا ہے
Woh phoola samata nahi hai khushi se
Madine ka jisko bulaawa mila hai
بھرا ہے گناہوں سے اعمالنامہ
شفاعت کی عرض اے شفیع الورا ہے
Bhara hai gunahon se aamalnama
Shafaat ki arz aye Shafi' al-wara hai
گنہگار ہوں میں، سیہ کار ہوں میں
خدا! مغفرت کر، مری التجا ہے
Gunahgaar hoon main, siyahkaar hoon main
Khuda! Maghfirat kar, meri iltija hai
شرف پائے عطارؔ ہر سال حج کا
خدائے محمد! یہ تجھ سے دُعا ہے
Sharaf paaye Attar har saal hajj ka
Khuda-e-Muhammad! ye tujh se dua hai
Share This Naat
Share with friends and family
کرم ہے خدا کا، خدا کی عطا ہے
الیاس عطار قادری