نبیؐ کی نعت جب بھی گنگنائی
سرور و کیف پایا انتہائی
Nabiؐ ki naat jab bhi gungunai
Sarur o kaif paya intehai
زمین و آسماں مخلوق ، خالق
ہوئی شیدا تریؐ ساری خدائی
Zameen o aasman makhlooq, khaliq
Hui sheda teriؐ sari khudai
یہ دربارِ حبیبِ کبریاؐ ہے
یہاں کرنا ادب سے لب کشائی
Ye darbar-e-habib-e-kibriaؐ hai
Yahan karna adab se lab kushai
کریں گے حشر میں بھی انشاء اللہ
شہِ کونینؐ کی مدحہ سرائی
Kareinge hashr mein bhi insha Allah
Sheh-e-konainؐ ki madha sarai
مقامِ انتہا رُوح الامیںؑ کا
پڑائو آپؐ کا تھا ابتدائی
Maqam-e-inteha Rooh al-ameenؑ ka
Parhaao aapؐ ka tha ibtidaai
شہنشاہوں کو خاطر میں نہ لائوں
ملے گر آپؐ کے در کی گدائی
Shahenshahoon ko khatir mein na laoon
Mile gar aapؐ ke dar ki gadaai
رسولِ ہاشمیؐ کے واسطے سے
ہوئی ذاتِ احد سے آشنائی
Rasool-e-Hashmiؐ ke wastay se
Hui zat-e-Ahad se aashnai
ملی دونوں جہاں کی کامیابی
جسے تقدیر تیرےؐ در پہ لائی
Mili donon jahan ki kamiyabi
Jise taqdeer tereؐ dar pe laai
دکھائوں چاک میں اشفاقؔ سارے
اگر مل جائے بزمِ مصطفائی
Dekhaoon chaak mein Ashfaqؔ sare
Agar mil jaye bazm-e-Mustafai
Share This Naat
Share with friends and family
نبیؐ کی نعت جب بھی گنگنائی
اشفاق احمد غوری