یہ ان کا کرم ان کی عنائیت ہے عطا ہے
دامان طلب میرا مرادوں سے بھرا ہے
Yeh un ka karam un ki inaayat hai ata hai
Daamaan talab mera muraadon se bhara hai
مجھ پر میرے مولا کا یہ احسان بڑا ہے
سرکار کے منگتوں میں مرا نام لکھا ہے
Mujh par mere Moula ka yeh ehsaan bara hai
Sarkar ke mangton mein mera naam likha hai
آقا کے اشارے سے پلٹ آیا ہے سورج
اور چاند بھی سرکار کے قدموں پہ جھکا ہے
Aaqa ke ishaare se palat aaya hai sooraj
Aur chaand bhi Sarkar ke qadmon pe jhuka hai
اُس سر کی بلندی کا ہو اندازہ تو کیونکر
وہ سر جو ترے نام پہ اک بار جھکا ہے
Us sar ki bulandi ka ho andaaza to kyun kar
Woh sar jo tere naam pe ik baar jhuka hai
آیا ہے تصور میں مدینے کا گلستاں
پھر آج معطر یہ مرے دل کی فضا ہے
Aaya hai tasawwur mein Madine ka gulistan
Phir aaj muattar yeh mere dil ki fiza hai
رہتا ہے کرم سایہ فگن مجھ پہ خدا کا
سچ پوچھو تو یہ مردِ قلندر کی دعا ہے
Rehta hai karam saya figan mujh pe Khuda ka
Sach poocho to yeh mard-e-qalandar ki dua hai
ہو خوف مجھے گرمی محشر کا بھلا کیوں
جب سایہ فگن دامن محبوب خدا ہے
Ho khauf mujhe garmi-e-mahshar ka bhala kyun
Jab saya figan daaman mehboob-e-Khuda hai
ہرگز نہ کسی در پر جھکا ہے نہ جھکے گا
وہ سر جو در سرور عالم پہ جھکا ہے
Hargiz na kisi dar par jhuka hai na jhukay ga
Woh sar jo dar Sarwar-e-aalam pe jhuka hai
قرآن کی آیات سے ہوتا ہے یہ ثابت
صورت میں تو انساں ہے مگر نور خدا ہے
Quran ki ayaat se hota hai yeh saabit
Soorat mein to insaan hai magar Noor-e-Khuda hai
اس سمت بھی آؤ کبھی طیبہ کی ہواؤ
ویراں مرے گلزار تمنا کی فضا ہے
Is simt bhi aao kabhi Taiba ki havao
Weraan mere gulzar-e-tamanna ki fiza hai
طیبہ کے یہ ذرے ہیں کہ ہیں نور کے تارے
خورشید نبوت کی عیاں ان میں ضیاء ہے
Taiba ke yeh zarrey hain ke hain Noor ke taare
Khursheed-e-nabuwwat ki ayaan in mein ziya hai
میں کیا ہوں نیازی مری اوقات بھلا کیا
جو کچھ ہے مرے پاس وہ داتا کا دیا ہے
Main kya hoon Niazi meri auqaat bhala kya
Jo kuch hai mere paas woh daata ka diya hai
Share This Naat
Share with friends and family
یہ ان کا کرم ان کی عنائیت ہے عطا ہے
عبدالستار نیازی