ترا زمانہ زمانوں کا بادشہ ٹھہرا
ترا وجود وجُودوں کا معجزہ ٹھہرا
Tera zamana zamano ka badshah thehra
Tera wujood wujoodo ka mojza thehra
ہزار سمت سے برسی ہیں رحمتیں اُس پر
تری حدود کے اندر جو قافلہ ٹھہرا
Hazaar simt se barasi hain rehmatain us par
Teri hudood ke andar jo qafila thehra
ترے جو ساتھ چلا بن گیا ہے وہ صدیق
تجھے جو دیکھ نہ پایا وہ بے نگہ ٹھہرا
Tere jo saath chala ban gaya hai woh Siddiq
Tujhe jo dekh na paya woh be nigaah thehra
ہر اک زباں کو ترے نام سے ملی ہے مٹھاس
تو حرف حرف محبت کا ذائقہ ٹھہرا
Har ek zabaan ko tere naam se mili hai mithaas
Tu harf harf mohabbat ka zayika thehra
تُو رحمتوں کی گھٹا ہے بَرس بَرس کے برس
میں ایک دشت مگر دشتِ غمزدہ ٹھہرا
Tu rehmaton ki ghata hai bars bars ke bars
Main ek dasht magar dasht-e-ghamzda thehra
کوئی بھی جُرم نہ پہنچا مرا مدینے تک
تری زمین کو چوما تو بے گُنہ ٹھہرا
Koi bhi jurm na pahucha mera Madine tak
Teri zameen ko chuma to be gunah thehra
Share This Naat
Share with friends and family
ترا زمانہ زمانوں کا بادشہ ٹھہرا
انجم نیازی