دل ہے سفر ِ طیبہ کو تیار ہمیشہ
رہتا ہوں حضوریؐ کا طلب گار ہمیشہ
Dil hai safar-e-Taybah ko tayyar hamesha
Rehta hoon Hazooriؐ ka talabgar hamesha
دیدار کے قابل تھیں کہاں میری نگاہیں
اس پر بھی رہی حسرتِ دیدار ہمیشہ
Deedaar ke qabil theen kahan meri nigahein
Is par bhi rahi hasrat-e-deedaar hamesha
دل درد سے بھر آیا تو دربارِ نبیؐ میں
اشکوں کی زباں سے ہوا اظہار ہمیشہ
Dil dard se bhar aaya to darbar-e-Nabiؐ mein
Ashkon ki zubaan se hua izhar hamesha
جب تیرگیاں کرنے لگیں جاں کا احاطہ
آسودہ کریں روضے کے انوار ہمیشہ
Jab teergiyan karne lagein jaan ka ihata
Aasooda karein roza ke anwaar hamesha
کس طرح بنا دیتی ہے آساں اسے رحمت
جو کام نظر آتا ہے دشوار ہمیشہ
Kis tarah bana deti hai aasan usay rehmat
Jo kaam nazar aata hai dushwaar hamesha
احساسِ گنہ حد سے گزر جائے جو تائب
چل دیتے ہیں طیبہ کو گنہگار ہمیشہ
Ehsas-e-gunah had se guzar jaye jo taib
Chal dete hain Taybah ko gunahgar hamesha
Share This Naat
Share with friends and family
دل ہے سفر ِ طیبہ کو تیار ہمیشہ
حفیظ تائب