نبی ہیں کعبہء مقصود دیں کا قبلہ بھی
تمام نبیوں میں افضل بھی اور اعلیٰ بھی
Nabi hain kaaba-e-maqsood deen ka qibla bhi
Tamam nabioun mein afzal bhi aur aala bhi
بَہار آشنا جو گلشنِ تخیل ہے
کرم کا اس پہ پڑا ہے ضرور چھینٹا بھی
Bahar aashna jo gulshan-e-takhayul hai
Karam ka is pe pada hai zarur cheenta bhi
عروسِ فن پہ سجا غازۂ تقدس جب
لبوں پہ حمدِ خدا بھی ہے نعتِ آقا بھی
Aroos-e-fan pe saja ghazah-e-taqaddus jab
Labon pe hamd-e-Khuda bhi hai naat-e-aqa bhi
کبھی تو خواب میں تشریف لائیے آقا
چمک اٹھے مری تقدیر کا ستارا بھی
Kabhi to khwab mein tashreef laaiye aqa
Chamak utthay meri taqdeer ka sitara bhi
نبی کی نعت کے موتی لٹاؤں میں ہر دم
ملے نصیب سے اک دن جو شاخِ طوؔبیٰ بھی
Nabi ki naat ke moti lutaun main har dam
Mile naseeb se ek din jo shaakh-e-Tobi bhi
مقامِ قربِ پیمبر کوئی بتائے کیا
خِرد کے ساتھ ہے حیراں مکینِ سدرؔہ بھی
Maqam-e-qurb-e-Payambar koi bataye kya
Khird ke sath hai hairan makeen-e-Sidra bhi
خیال و فکر میں ہر وقت میرے رہتے ہیں
مدینے پاک کا نقشہ نبی کا روضہ بھی
Khayaal o fikr mein har waqt mere rehtay hain
Madine paak ka naqsha Nabi ka roza bhi
رخِ حسین کی تفسیر والضحی ہے اگر
قمر ہے آپ کے قدموں کا استعارہ بھی
Rukh-e-Husain ki tafseer Wal-Doha hai agar
Qamar hai aap ke qadamoun ka iste'ara bhi
نمازِ عشقِ نبی پڑھ لو با وضو ہو کر
پھر اس کے بعد کرو خوب ان کا چرچا بھی
Namaz-e-ishq-e-Nabi parh lo ba wuzu ho kar
Phir us ke baad karo khoob un ka charcha bhi
یہ سب ہیں شمعِ جمالِ نبی کے پروانے
بلال و زید، عمر، حارث و قتادہ بھی
Yeh sab hain shama-e-jamal-e-Nabi ke parwane
Bilal o Zaid, Umar, Haris o Qatada bhi
ہمارے فکر و تخیل میں وہ بلندی دے
کہ جس پہ ناز کرے اردوئے معلیٰ بھی
Hamare fikr o takhayul mein woh bulandi de
Ke jis pe naaz kare Urdu-e-Mualla bhi
رسولِ پاک کے صدقے میں ہو کرم مولیٰ
ہماری دنیا سنور جائے اور عقبیٰ بھی
Rasul-e-Paak ke sadqay mein ho karam Maula
Hamari duniya sanwar jaye aur aqba bhi
نگاہِ لطف کا طالب ہے احمدِؔ عاصی
شبِ الم سے کرو دور یہ اندھیرا بھی
Nigah-e-lutf ka taalib hai Ahmed Asie
Shab-e-alam se karo door yeh andhera bhi
Share This Naat
Share with friends and family
نبی ہیں کعبہء مقصود دیں کا قبلہ بھی
مولانا طفیل احمد مصباحی