naat
ذبیح اعظم کے خاندان میں حبیب ربِ حسیب آیا
ذبیح اعظم کے خاندان میں حبیب ربِ حسیب آیا
سناتا وحدت کا پیارا نغمہ خدا کا وہ عندلیب آیا
Zabeeh-e-azam ke khandan mein Habeeb-e-Rab-e-Haseeb aaya
Sunata wahdat ka pyara naghma Khuda ka wo andaleeb aaya
عرب کی دھرتی پہ کفر اور شرک کے اندھیرے تنے ہوئے تھے
انھیں اندھیروں میں شمعِ توحید لے کے رب کا حبیب آیا
Arab ki dharti pe kufr aur shirk ke andhere tane hue the
Inheen andheron mein shama-e-tawheed le ke Rab ka Habeeb aaya
ربیع الاوّل میں تیرے صدقے میں تجھ پہ واری میں تیرے قرباں
نبی کے آنے کا مژدہ لے کر تو ایک ماہِ عجیب آیا
Rabi-ul-awwal mein tere sadqe mein tujh pe waari mein tere qurban
Nabi ke anay ka muzda le kar tu aik mah-e-ajeeb aaya
عمر ہوں صدیق ہوں کہ عثماں علی ہوں یا ہوں بلال و حسّاں
وہ جنتی ہے بشرطِ ایماں جو مصطفیٰ کے قریب آیا
Umar hoon Siddiq hoon keh Usman Ali hoon ya hoon Bilal o Hassaan
Wo jannati hai be sharat-e-imaan jo Mustafa ke qareeb aaya
وہ جس کا ہلکا سا اک تبسم حیاتِ نو کا پیام لائے
لعاب میں مژدہء شفا لے کے کیسے حاذق طبیب آیا
Wo jis ka halka sa ik tabassum hayaat-e-noh ka payam laye
Luab mein muzda-e-shifa le ke kaise haazik tabeeb aaya
نبیِ امی کہ جس کو رب نے زمانے بھر کے علوم بخشے
قرآن کا معجزہ لیے وہ کلامِ رب کا نقیب آیا
Nabi-e-Ummi keh jis ko Rab ne zamane bhar ke uloom bakshe
Quran ka mojza liye wo kalam-e-Rab ka naqib aaya
عرب کے فصحا بھی جس کے آگے زبان اپنی نہ کھول پائے
بلاغتوں کے گہر لٹاتا فصیحِ کامل خطیب آیا
Arab ke fusaha bhi jis ke aage zuban apni na khol paaye
Balaghaton ke gahar lutata faseeh-e-kamil khateeb aaya
یہ کس کو اسریٰ کی رات رب نے طلب کیا لامکاں سے آگے
یہ کون آخر بہ شکل انساں خدا کے اتنے قریب آیا
Ye kis ko Isra ki raat Rab ne talab kiya la makaan se aage
Ye kaun aakhir ba shakal insaan Khuda ke itne qareeb aaya
پڑھی جو نظمی نے نعتِ سرور تو سارا مجمع یہ بول اٹھا
یہ شاہِ برکات کے گھرانے سے کون اک خوش نصیب آیا
Padhi jo Nazmi ne naat-e-Sarwar to saara majma ye bol utha
Ye Shah-e-Barakaat ke kharane se kaun ik khush naseeb aaya
Share This Naat
Share with friends and family
ذبیح اعظم کے خاندان میں حبیب ربِ حسیب آیا
سید آل رسول حسنین میاں برکاتی نظمی