ہر وقت دل کی آنکھ کو طیبہ دکھائی دے
وقتِ نزع حضورؐ کا جلوہ دکھائی دے
Har waqt dil ki aankh ko Taibah dikhai de
Waqt-e-naza Huzoorؐ ka jalwah dikhai de
تیرہ شبی ہوئی ہے مسلط حیات پر
میرے حضورؐ آپ کا چہرہ دکھائی دے
Teera shabi hui hai musallat hayat par
Mere Huzoorؐ aap ka chehra dikhai de
میرے بھی گھر میں بھیک غلامی کی ہو عطا
میرے بھی گھر میں خُلد کا نقشہ دکھائی دے
Mere bhi ghar mein bheek ghulami ki ho ata
Mere bhi ghar mein khuld ka naqsha dikhai de
کیسے سجے گی سرپہ یہ دستارِ فخر جب
اُن کے گدائے شہر کا رتبہ دکھائی دے
Kaise saje gi sar par ye dastaar-e-fakhr jab
Un ke gadaaye shehar ka rutbah dikhai de
کیسا فلک پہ چاند ستاروں کا نور ہے
مجھ کو تو یہ درود کا حلقہ دکھائی دے
Kaisa falak pe chaand sitaron ka noor hai
Mujh ko to ye durood ka halqa dikhai de
رب کی رضا ہے سیرتِ اطہر کی پیروی
قربِ نبیؐ کا بھی یہی زینہ دکھائی دے
Rab ki raza hai seerat-e-athar ki pairwi
Qurb-e-Nabiؐ ka bhi yehi zeena dikhai de
جس کو نبیؐ کی یاد کے آنسو نہیں نصیب
بہتر ہے ایسی آنکھ کو کچھ نہ دکھائی دے
Jis ko Nabiؐ ki yaad ke aansu nahi naseeb
Bahtar hai aisi aankh ko kuch na dikhai de
جس پر چلے تو قرب ملے آپ کا حضورؐ
اے کاش وہ شکیلؔ کو رستہ دکھائی دے
Jis par chale to qurb mile aap ka Huzoorؐ
Ae kaash woh Shakeelؔ ko rasta dikhai de
Share This Naat
Share with friends and family
ہر وقت دل کی آنکھ کو طیبہ دکھائی دے
محمد شکیل نقشبندی