نبی کے دیس کی ٹھنڈی ہوائیں یاد آتی ہیں
معطر مشکبو پیاری فضائیں یاد آتی ہیں
Nabi ke des ki thandi hawaen yaad aati hain
Muattar mashkbu pyari fizaen yaad aati hain
کبھی جب بیٹھتے تھے گنبدِ خضرا کی چھاؤں میں
جو مانگی تھیں وہاں ساری دعائیں یاد آتی ہیں
Kabhi jab baithte the gunbad-e-khazra ki chhaon main
Jo maangi thi wahan sari duaen yaad aati hain
وہ بادل رحمتوں کے اور بخشش کی فراوانی
برستی ہر گھڑی نوری گھٹائیں یاد آتی ہیں
Wo badal rehmaton ke aur bakhshish ki farawani
Barasti har ghari noori ghataen yaad aati hain
درودوں کے سلاموں کے ترانے وہ رسیلے سے
اذانوں کی بڑی میٹھی صدائیں یاد آتی ہیں
Daroodon ke salamoon ke taranay wo raseele se
Azanon ki bari meethi sadaen yaad aati hain
وہ روضے کی تجلی اور وہ انوار کی بارش
سنہری جالیوں کی وہ شعائیں یاد آتی ہیں
Wo rozae ki tajalli aur wo anwar ki barish
Sunehri jaliyon ki wo shuaen yaad aati hain
کرم سے جھولیاں بھرکر جو لوٹے تھے مدینے سے
محمد مصطفیٰ کی سب عطائیں یاد آتی ہیں
Karam se jholiyan bharkar jo lotay the madine se
Muhammad Mustafa ki sab ataen yaad aati hain
تمنا ہے بلائیں ناز کو پھر بھی مرے آقا
بڑی شدت سے وہ پیاری فضائیں یاد آتی ہیں
Tamanna hai balain naz ko phir bhi mere aqa
Bari shiddat se wo pyari fizaen yaad aati hain
Share This Naat
Share with friends and family
نبی کے دیس کی ٹھنڈی ہوائیں یاد آتی ہیں
صفیہ ناز