ایمان کی بنیاد محمدؐ کی محبت
انعامِ خداداد محمدؐ کی محبت
Imaan ki bunyaad Muhammad ﷺ ki muhabbat
Inaam-e-khudadaad Muhammad ﷺ ki muhabbat
ہر حال میں ہوں پیشِ نظر اس کے تقاضے
ہر آن رہے یاد محمدؐ کی محبت
Har haal mein hoon pesh-e-nazar is ke taqazay
Har aan rahay yaad Muhammad ﷺ ki muhabbat
اس دل پہ فدا گلشنِ جنت کی بہاریں
جس دل میں ہو آباد محمدؐ کی محبت
Is dil pe fidaa gulshan-e-jannat ki bahaarein
Jis dil mein ho aabaad Muhammad ﷺ ki muhabbat
بنتی ہے یہ آلام کے ماروں کا سہارا
رکھتی ہے سدا شاد محمدؐ کی محبت
Banti hai ye aalaam ke maaron ka sahaara
Rakhti hai sadaa shaad Muhammad ﷺ ki muhabbat
تائبؔ غمِ دوراں کی کشاکش سے دلوں کو
کردیتی ہے آزاد محمدؐ کی محبت
Taibؔ gham-e-dauran ki kashaaksh se dilon ko
Kardeti hai aazaad Muhammad ﷺ ki muhabbat
Share This Naat
Share with friends and family
ایمان کی بنیاد محمدؐ کی محبت
حفیظ تائب