اے احمدِؐ مُرسل نورِ خدا ، تری ذاتِ صفا کا کیا کہنا
پڑھتے ہیں ملائک صلِّ علیٰ ‘ تری شانِ عُلا کا کیا کہنا
Ae Ahmed-e-Mursal Noor-e-Khuda, teri zaat-e-safa ka kya kehna
Parhte hain malaik Sall-e-alaa, teri shaan-e-ula ka kya kehna
چہرے پہ ہیں قرباں شمس و قمر زلفوں پہ تصدّق شام و سحر
رُخساروں پہ ٹھہرے کِس کی نظر‘ ترے مُنہ کی جِلا کا کیا کہنا
Chehre pe hain qurban shams o qamar zulfon pe tasadduq shaam o sahar
Rukhsaron pe thehre kis ki nazar, tere munh ki jila ka kya kehna
سو گند ہے چہرے کی شمس وضحیٰ ‘ وَاللَّیل ہے تیری زُلف ِ دوتا
سینے کی صِفت ہے اَلم نشرح‘ تِرے دِل کی فضا کا کیا کہنا
So gand hai chehre ki shams uzoha, wal-lail hai teri zulf-i-dotaa
Seene ki sifat hai Alam-nashrah, tere dil ki fizaa ka kya kehna
وَالُعَصْر ہے تیرے زماں کی قسم‘ وَلَعَمُوک ہے تیری جاں کی قسم
وَالْبَلد ہے تیرے مکاں کی قسم ‘ تیرے رہنے کی جا کا کیا کہنا
Wal-asr hai tere zamaan ki qasam, wal-amook hai teri jaan ki qasam
Wal-balad hai tere makaan ki qasam, tere rehne ki ja ka kya kehna
جبریلؑ رہے‘ بُرّاق تھکے ‘ رَف رَف بھی آگے جا نہ سکے
رَبّ اُدْنُ مِنِّیْ حَبِیْبِیْ کہے‘ ترے قُربِ خُدا کا کیا کہنا
Jibreel rahe, burraaq thake, raf raf bhi aage ja na sake
Rabb udno minni habibi kahe, tere qurb-e-Khuda ka kya kehna
کھایا نہ کبھی بھی جی بھر کر ‘ خود بھُوکے رہے باندھے پتھر
اَوروں کو دیا جھولی بھر بھر ‘ ترے دَستِ عطا کا کیا کہنا
Khaya na kabhi bhi jee bhar kar, khud bhooke rahe baandhe patthar
Auron ko diya jholi bhar bhar, tere dast-e-ata ka kya kehna
سائل جو کبھی دَر پر آیا‘ خالی نہ کبھی اس کو پَھیرا
جو اس نے مانگا وہی دیا ‘ تِری جُود و سخا کا کیا کہنا
Sail jo kabhi dar par aaya, khaali na kabhi us ko pherha
Jo us ne manga wahi diya, teri jood o sakha ka kya kehna
بدبخت جو تھے وہ نیک ہوئے ‘ لڑتے تھے ہمیشہ جو ایک ہوئے
تو نے جھگڑے سارے میٹ دیئے ‘ ترے فہم و ذکا کا کیا کہنا
Badbakht jo the woh naik hue, larte the hamesha jo aik hue
Tu ne jhagde saare meit diye, tere fehm o zuka ka kya kehna
کفّار نے کیا کیا کچھ نہ کیا ، پَر تو نے نہ کی کچھ ان پہ جفا
ربِّ اِھْدِ قَوْمیْ حق سے کہا ، ترے مہر و وفا کا کیا کہنا
Kuffar ne kya kya kuch na kiya, par tu ne na ki kuch un pe jafa
Rabb ihdi qawmi haq se kaha, tere mehr o wafa ka kya kehna
صابرؔ سے کہاں ہو مَدح تری ‘ ترے خلق میں ہے قرآن سبھی
جَب تیری ثنا اللہ نے کی ‘ پھر مجھ سے گدا کا کیا کہنا
Sabir se kahan ho madah teri, tere khalq mein hai Quran sabhi
Jab teri sana Allah ne ki, phir mujh se gada ka kya kehna
Share This Naat
Share with friends and family
اے احمدِؐ مُرسل نورِ خدا
نامعلوم