ہم جبینوں کو درِ شاہ پہ خم رکھتے ہیں
یوں بلندی پہ مقدر کا علم رکھتے ہیں
Hum jabinon ko dar-e-Shah pe kham rakhte hain
Yun bulandi pe muqaddar ka alam rakhte hain
الفتِ شاہ مہکتی ہے سدا سانسوں میں
خانۂ دل میں یہی مشکِ ارم رکھتے ہیں
Ulfat-e-Shah mehakti hai sada sanson mein
Khana-e-dil mein yahi mushk-e-Aram rakhte hain
حکمِ جاؤوک سے خالق نے ہمیں بھیجا ہے
ہم خطا کار ہیں امیدِ کرم رکھتے ہیں
Hukum-e-jawoowaq se Khalik ne humein bheja hai
Hum khata kar hain umeed-e-karam rakhte hain
ہم بہ صد جان فدا ایسے کریم آقا پر
جو غلاموں کو بہ صد ناز و نعم رکھتے ہیں
Hum ba sad jaan fida aise Kareem Aqa par
Jo ghulamoon ko ba sad naaz-o-n-aam rakhte hain
عرش کو اپنے مقدر پہ بہت ناز ہوا
عرش پر جب شہِ کونین قدم رکھتے ہیں
Arsh ko apne muqaddar pe bohat naaz hua
Arsh par jab Shah-e-konain qadam rakhte hain
قلبِ ویراں کو سجاتے ہیں تری یادوں سے
اور آنکھوں میں تری آل کا نم رکھتے ہیں
Qalb-e-vairaan ko sajate hain teri yaadon se
Aur aankhon mein teri aal ka nam rakhte hain
گردِ نعلین کے خواہاں ہیں شہانِ دنیا
شاہِ کونین عجب جاہ و حشم رکھتے ہیں
Gird-e-nalein ke khawahan hain shahan-e-duniya
Shah-e-konain ajab jaah-o-hasham rakhte hain
لائقِ نعت کوئی لفظ عطا ہو جائے
طاقِ امید پہ قرطاس و قلم رکھتے ہیں
Laiq-e-naat koi lafz ata ho jaye
Taaq-e-umeed pe qartaas-o-qalam rakhte hain
چشمِ اشفاق کو دیدار سے روشن کر دیں
آپ مختار میں انوار کا یم رکھتے ہیں
Chashm-e-Ashfaq ko deedaar se roshan kar dein
Aap Mukhtar mein anwar ka yam rakhte hain
Share This Naat
Share with friends and family
ہم جبینوں کو درِ شاہ پہ خم رکھتے ہیں
اشفاق احمد غوری