اے مہِ نورِ ازل ‘ اے شہِ لولاک قدم
چل کے آیا ہے بڑی دُور سے محتاجِ کرم
Ae meh-e-noor-e-azal, ae sheh-e-lolak qadam
Chal ke aaya hai badi door se mohtaaj-e-karam
اپنی پلکوں پہ جلائے ہوئے طیبہ کے چراغ
اپنی سانسوں میں بسائے ہوئے خوشبو ئے حرم
Apni palkon pe jalaye hue Taiba ke charagh
Apni sanson mein basaye hue khushbu e haram
اپنے ماتھے پر سجائے ہوئے سجدوں کا خلوص
اپنے ہاتھوں پر لئے حسنِ عقیدت کا علم
Apne maathay par sajaye hue sajdon ka khuloos
Apne haathon par liye husn-e-aqeedat ka alam
اپنے سینے میں چھپائے ہوئے شرمِ عصیاں
اپنے کاندھوں پہ اُٹھائے ہوئے کہسارِ الم
Apne seene mein chhupaye hue sharam-e-isiyan
Apne kandhon pe uthaye hue kehsar-e-alam
میری معراج نظر گنبدِ خضرا کا جمال
میرا مقصود سفر آپﷺ کا دامانِ کرم
Meri meraaj nazar gunbad-e-khazra ka jamal
Mera maqsood safar aapﷺ ka daaman-e-karam
یہ نہیں ہے کہ میں محروم ِ کرم ہوں لیکن
مخزن ِ جود و سخا اور کرم اور کرم
Yeh nahi hai ke mein mehroom-e-karam hoon lekin
Makhzan-e-jood o sukha aur karam aur karam
آپﷺ کی مدح کا حق مجھ سے ادا ہو کیسے ؟
میرے قابو میں نہ الفاظ نہ لہجہ نہ قلم
Aapﷺ ki madah ka haq mujh se ada ho kaise?
Mere qaboo mein na alfaz na lehja na qalam
اے مہِ برجِ صفا ‘ مہر جہاں تابِ حرا
رہروِ سدرہ نفس‘ راکب معراجِ قدم
Ae meh-e-burj-e-safa, mehr-e-jahaan taab-e-Hira
Rehro-e-Sidra nafas, raakib me'raaj-e-qadam
وجہِ تکوینِ جہاں و باعثِ تحریک زماں
حاصلِ لوح و قلم ‘ خالقِ تاریخِ اُمم
Wajh-e-takween-e-jahan o ba'ais-e-tahreek-e-zamaan
Haasil-e-loh o qalam, khaaliq-e-taareekh-e-ummam
پیکرِ صدق و صفا ‘ آئینہ صبر و رضا
مصدرِ مہر و وفا ‘ معدنِ الطاف و نعم
Paikar-e-sidq o safa, aaina sabr o raza
Masdar-e-mehr o wafa, madan-e-altaf o ni'm
آپﷺ کی ذات اقدس دونوں جہانوں کو محیط
ربِ کعبہ کی قسم ‘ عرش معلیٰ کی قسم
Aapﷺ ki zaat-e-aqdas dono jahanon ko moheet
Rab-e-Kaaba ki qasam, Arsh-e-Mu'alla ki qasam
Share This Naat
Share with friends and family
اے مہِ نورِ ازل ‘ اے شہِ لولاک قدم
پروفیسراقبال عظیم