در پہ حاضر ہوا ہے کوئی بے نوا اےحبیبِؐ خدا
حاضری میں حضوری بھی کیجے عطا اےحبیبِؐ خدا
dar pe haazir hua hai koi be nawa ae Habeeb (ﷺ) e Khuda
haaziri mein hazoori bhi kije ata ae Habeeb (ﷺ) e Khuda
کچھ عجب وقت ہے میرے آنسو بھی اب ساتھ دیتے نہیں
پاس کچھ بھی نہیں عاجزی کے سوا اےحبیبِؐ خدا
kuch ajab waqt hai mere aansu bhi ab saath dete nahin
paas kuch bhi nahi aajzi ke siwa ae Habeeb (ﷺ) e Khuda
جسم بیمار ہے ، روح بیمار ہے ، ذہن بیمار ہے
بھیجیے مجھ کو دے کر نویدِ شفا اےحبیبِؐ خدا
jism bemaar hai, rooh bemaar hai, zehan bemaar hai
bhejiye mujh ko de kar naveed e shifa ae Habeeb (ﷺ) e Khuda
دل سے ہونٹوں پہ آئی ہے اک آرزو، کیجیے سر خرو
پورا فرمایئے میرا شوقِ لقا اےحبیبِؐ خدا
dil se honton pe aayi hai ik aarzu, kije sar khuru
poora farmaiye mera shauq e liqa ae Habeeb (ﷺ) e Khuda
میری نادانیوں ، ظلم سامانیوں سے ہو صرفِ نظر
ہر عمل آشنائے ادب ہو مرا اےحبیبِؐ خدا
meri nadaniyon, zulm samaniyon se ho sarf e nazar
har amal aashna e adab ho mera ae Habeeb (ﷺ) e Khuda
مجھ زیاں کار کی عافیت کے لیے ، مغفرت کے لیے
پیش اللہ کیجے لبِ پاک وا اےحبیبِؐ خدا
mujh ziyaan kar ki aafiyat ke liye, maghfirat ke liye
paish Allah kije lab e pak wa ae Habeeb (ﷺ) e Khuda
دشتِ ظلمات میں پھر دکھا دیجیے جادہ روشنی
آپؐ کی ذات ہے نیّرِ حق نما، اےحبیبِؐ خدا
dasht e zulmaat mein phir dikha dijiye jada roshni
aap (ﷺ) ki zaat hai nayyar e haq numa, ae Habeeb (ﷺ) e Khuda
Share This Naat
Share with friends and family
در پہ حاضر ہوا ہے کوئی بے نوا اےحبیبِؐ خدا
حفیظ تائب