وحدت کے لالہ زار جہاں میں کہاں نہیں
توحید کی بہار جہاں میں کہاں نہیں
Wahdat ke laala zaar jahan mein kahan nahin
Toheed ki bahaar jahan mein kahan nahin
رشکِ گلِ ارم ہیں مدینے کے پھول بس
ویسے تو گل ہزار جہاں میں کہاں نہیں
Rashk-e-gulah aram hain madine ke phool bas
Waise to gul hazaar jahan mein kahan nahin
ہر سمت جشنِ آمدِ سرور کی دھوم ہے
میلاد کی بہار جہاں میں کہاں نہیں
Har simt jashn-e-aamad-e-sarwar ki dhoom hai
Meelaad ki bahaar jahan mein kahan nahin
فیضِ نبیؐ کے پھول مہکتے ہیں ہر طرف
رحمت کے لالہ زار جہاں میں کہاں نہیں
Faiz-e-nabi ke phool mehak tay hain har taraf
Rehmat ke laala zaar jahan mein kahan nahin
اسوہ رسولِ پاک کا چھوڑا ملی سزا
ہم آج بے وقار جہاں میں کہاں نہیں
Uswa Rasool-e-Pak ka chhoda mili saza
Hum aaj be waqaar jahan mein kahan nahin
ہم ہی نہیں زمانے میں صدیق کے غلام
شیدائے یارِ غار جہاں میں کہاں نہیں
Hum hi nahin zamane mein siddiq ke ghulam
Shida-e-yaar-e-ghaar jahan mein kahan nahin
کوئی عمر سا عادل و فیصل نہ مل سکا
منصف تو بے شمار جہاں میں کہاں نہیں
Koi Umar sa aadil o faisal na mil saka
Munsif to be shumar jahan mein kahan nahin
عثماں غنی کے جیسا نہ کوئی ہوا غنی
یوں اغنیا ہزار جہاں میں کہاں نہیں
Usmaan ghani ke jaisa na koi hua ghani
Yun aghnia hazaar jahan mein kahan nahin
اے بابِ شہرِ علم ترے فیضِ علم کا
امواجِ آبشار جہاں میں کہاں نہیں
Aye bab-e-shehar-e-ilm tere faiz-e-ilm ka
Amwaj-e-aabshar jahan mein kahan nahin
دنیا میں جو ہیں منکرِ تطہیرِ عائشہ
ان پر خدا کی مار جہاں میں کہاں نہیں
Duniya mein jo hain munkir-e-tatheer-e-Aayesha
Un par khuda ki maar jahan mein kahan nahin
احسؔن نبیؐ کے تم ہی ثنا خواں نہیں فقط
تم جیسے بے شمار جہاں میں کہاں نہیں
Ahsan nabi ke tum hi sana khwan nahin faqat
Tum jaise be shumar jahan mein kahan nahin
Share This Naat
Share with friends and family
وحدت کے لالہ زار جہاں میں کہاں نہیں
احسن اعظمی