جاتی ہیں بارشوں سے کر کے وضو ہوائیں
طیبہ میں جا کے ہوتی ہیں مشکبو ہوائیں
Jaati hain barishon se kar ke wuzu hawaein
Tayba mein ja ke hoti hain mashkbu hawaein
کوئے نبیؐ سے نکلیں تو پھر اماں نہ پائی
پھرتی ہیں ماری ماری یوں کو بہ کو ہوائیں
Ko-e-Nabi (S.A.W.) se niklein to phir amaan na payi
Phirti hain maari maari yun ko ba ko hawaein
بادِ نسیم صبح کا رُتبہ ملا ہے اُن کو
کرتی ہیں مصطفیٰؐ کی جب گفتگو ہوائیں
Baad-e-Naseem subah ka rutba mila hai un ko
Karti hain Mustafa (S.A.W.) ki jab guftagu hawaein
شہر نبیؐ کی گلیوں سے ڈھونڈ کر ہیں لائیں
پھولوں میں بانٹتی ہیں جو رنگ و بو ہوائیں
Shehar-e-Nabi (S.A.W.) ki galiyon se dhoond kar hain layi
Phoolon mein baantti hain jo rang o bu hawaein
ریگِ عرب کے ذرے لگتے ہیں چاند تارے
پانی سے کہہ رہی تھیں سرِ آب جو ہوائیں
Raig-e-Arab ke zarre lagte hain chand tare
Pani se keh rahi thin sar-e-aab jo hawaein
مرے مصطفیٰؐ سا کوئی نہ ملا نہ مل سکے گا
سارے جہاں میں ڈھونڈا، پھریں چار سو ہوائیں
Mere Mustafa (S.A.W.) sa koi na mila na mil sake ga
Sare jahan mein dhoonda, phirin char so hawaein
اشفاقؔ ہم بھی بھیجیں اپنا سلام اُنؐ کو
کہہ دیں اگر ’’مواجہ‘‘ کے رُو برو ہوائیں
Ashfaq hum bhi bhejain apna salam un (S.A.W.) ko
Keh dein agar "Muwajah" ke roo baroo hawaein
Share This Naat
Share with friends and family
جاتی ہیں بارشوں سے کر کے وضو ہوائیں
اشفاق احمد غوری