اللہ کی برہان ہیں اقبالؔ سعیدی
اہلِ وفا کی شان ہیں اقبالؔ سعیدی
Allah ki burhan hain Iqbal Saeedi
Ahl-e-wafa ki shan hain Iqbal Saeedi
باغِ بہشت ہے مرے مرشد کی جلوہ گاہ
آباد و شاد مان ہیں ، اقبالؔ سعیدی
Bagh-e-bahisht hai mere murshid ki jalwa gah
Abad o shad man hain, Iqbal Saeedi
مہتابِ زرنگار سا چہرہ ہے ضوفشاں
دل میں براجمان ہیں ، اقبالؔ سعیدی
Mehtab-e-zarngar sa chehra hai zaufashan
Dil mein barajman hain, Iqbal Saeedi
بھولیں گے کیسے آپ کی شیرینی دہن
یادوں پہ حکمران ہیں اقبالؔ سعیدی
Bholen ge kaise aap ki sheerini dahan
Yadon pe hukmran hain Iqbal Saeedi
خورشید نیم روز ہیں علمِ حدیث کے
دلدادئہ قرآن ہیں ، اقبالؔ سعیدی
Khursheed neem roz hain ilm-e-hadees ke
Dildada-e-quran hain, Iqbal Saeedi
موتی نصیحتوں کے لٹائے تمام عمر
گنجینہء عرفان ہیں ، اقبالؔ سعیدی
Moti nasihaton ke lutae tamam umr
Ganjina-e-irfan hain, Iqbal Saeedi
اک قافلہء علم و ادب ہے رواں دواں
سالارِ کاروان ہیں ، اقبالؔ سعیدی
Ek qafila-e-ilm o adab hai rawan dwan
Salar-e-karwan hain, Iqbal Saeedi
طالب ہو یا مرید ہو چھوٹا ہو یا بڑا
حد درجہ مہربان ہیں اقبالؔ سعیدی
Talib ho ya mureed ho chhota ho ya bara
Had darja meharban hain Iqbal Saeedi
دیکھا نہ ایسا کوئی زمانے میں مُتقی
تقویٰ کا آسمان ہیں ، اقبالؔ سعیدی
Dekha na aisa koi zamane mein muttaqi
Taqwa ka aasman hain, Iqbal Saeedi
مشکل میں دستگیر ہیں سب ہی کے چارہ گر
ہر درد کے درمان ہیں ، اقبالؔ سعیدی
Mushkil mein dastgeer hain sab hi ke chara gar
Har dard ke darman hain, Iqbal Saeedi
ہیں پاسبانِ عزت و توقیرِ مصطفیٰؐ
فکرِ رضاؔ کی آن ہیں ، اقبالؔ سعیدی
Hain pasban-e-izzat o tauqeer-e-Mustafa
Fikr-e-Raza ki aan hain, Iqbal Saeedi
چشمے علومِ ظاہر و باطن کے ہیں رواں
علمائے حق کا مان ہیں ، اقبالؔ سعیدی
Chashme ulum-e-zahir o batin ke hain rawan
Ulama-e-haq ka maan hain, Iqbal Saeedi
اشفاقؔ بس یہی ہے مرا حاصلِ کلام
اللہ کا احسان ہیں ، اقبالؔ سعیدی
Ashfaq bus yahi hai mera hasil-e-kalam
Allah ka ehsan hain, Iqbal Saeedi
Share This Naat
Share with friends and family
اللہ کی برہان ہیں اقبالؔ سعیدی
اشفاق احمد غوری