ترے در پر جو کیف آیا کہیں جا کر نہیں آیا
اُسے اللہ لائے جو ترے در پر نہیں آیا
Taray dar par jo kaif aya kahin ja kar nahi aya
Usay Allah laye jo taray dar par nahi aya
بدل ڈالی نگاہِ حُسن نے تقدیرِ آئینہ
مَیں بے جوہر گیا لیکن مَیں بے جوہر نہیں آیا
Badal dali nigah-e-husn ne taqdeer-e-aaina
Main be-johar gaya lekin main be-johar nahi aya
وہاں میں نعت کیا پڑھتا کہ اتنا تھا جلال اُن کا
کہ مصرع تک حدودِ ذہن کے اندر نہیں آیا
Wahan main naat kya padh'ta ke itna tha jalal un ka
Ke misra tak hudood-e-zehan ke andar nahi aya
نبیؐ کے شہر میں نو دن سرور آیا مُجھے جتنا
سرور اتنا مُجھے باسٹھ برس جی کر نہیں آیا
Nabi (S.A.W) ke shehar mein no din suroor aya mujhe jitna
Suroor itna mujhe basis saal jee kar nahi aya
مدینے نے مُجھے اب تک کُچھ ایسا گھیر رکھّا ہے
نظر کے دائرے میں دوسرا منظر نہیں آیا
Madinay ne mujhe ab tak kuch aisa gher rakha hai
Nazar ke daaire mein dosra manzar nahi aya
مَیں اُس بستی میں اپنے جان و دل لے کر گیا لیکن
مَیں اُس بستی سے اپنے جان و دل لے کر نہیں آیا
Main us basti mein apne jaan-o-dil le kar gaya lekin
Main us basti se apne jaan-o-dil le kar nahi aya
مَیں باہر آگیا ہُوں اُس فضائے خُلد سے لیکن
مَیں اب تک اس فضائے خلد سے باہر نہیں آیا
Main bahir agaya hoon us faza-e-khuld se lekin
Main ab tak us faza-e-khuld se bahir nahi aya
مَیں جِس عالم میں تھا، شاید اُسی عالم میں ہُوں اب بھی
مَیں اُن کے شہر سے لَوٹا اور اپنے گھر نہیں آیا
Main jis alam mein tha, shayad usi alam mein hoon ab bhi
Main un ke shehar se lauta aur apne ghar nahi aya
بہت دل نے کہا کہہ دے، کہ پھر بلوائیے آقا
تقاضائے ادب تھا، چُپ رہا کہہ کر نہیں آیا
Bohat dil ne kaha keh de, ke phir bulwayiay aaqa
Taqaza-e-adab tha, chup raha keh kar nahi aya
Share This Naat
Share with friends and family
ترے در پر جو کیف آیا کہیں جا کر نہیں آیا
عاصی کرنالی