آپ کا جوں ہی ہونٹوں پہ نام آئے گا
مشکلوں کا وہیں اختتام آئے گا
Aap ka joon hi honton pe naam aaye ga
Mushkilon ka wahin ikhtetaam aaye ga
دل میں حسرت ہے میرے یہ شام و سحر
کب مدینے سے مجھ کو پیام آئے گا
Dil mein hasrat hai mere yeh shaam o sahar
Kab Madine se mujh ko payaam aaye ga
جس کا سرکار پر ہو چکا ہے نزول
تا قیامت نہ ایسا کلام آئے گا
Jis ka Sarkar par ho chuka hai nuzool
Ta qayamat na aisa kalaam aaye ga
مقتدی جس کے اقصیٰ میں تھے انبیا
بعد ان کے نہ ایسا امام آئے گا
Muqtadi jis ke Aqsa mein the Anbiya
Baad un ke na aisa imaam aaye ga
آپ کے عشق میں جو تڑپتا رہے
اس کے ہاتھوں میں کوثر کا جام آئے گا
Aap ke ishq mein jo tarapta rahay
Us ke haathon mein Kausar ka jaam aaye ga
پھر چٹکتی رہے گی وہاں چاندنی
جب لحد میں وہ ماہِ تمام آئے گا
Phir chatakti rahay gi wahan chaandni
Jab lahd mein woh maah-e-tamam aaye ga
دامنِ مصطفی تھام لو عاصیو!
حشر میں یہ وسیلہ ہی کام آئے گا
Daaman-e-Mustafa thaam lo asiyo!
Hashr mein yeh waseela hi kaam aaye ga
عرض کرتا ہے آصف یہی رات دن
آپ کے در پہ کب یہ غلام آئے گا
Arz karta hai Asif yahi raat din
Aap ke dar pe kab yeh ghulaam aaye ga
Share This Naat
Share with friends and family
آپ کا جوں ہی ہونٹوں پہ نام آئے گا
محمد آصف قادری