ہندا اے کرم خوش بختاں تے سلطان مدینے والے دا
کوئی قسمت والا بن دا اے مہمان مدینے والے دا
Hunda ae karam khush bakhtan te Sultan Madine wale da
Koi kismat wala ban da ae mehmaan Madine wale da
بلبل نوں سار چمن دی اے، وچھڑے نوں تاہنگ ملن دی اے
دل والے ای دل وچ رکھدے نے ارمان مدینے والے دا
Bulbul nu saar chaman di ae, vichhrre nu tahang milan di ae
Dil wale hi dil vich rakhde ne armaan Madine wale da
عرشی بے چین سلامی نوں، فرشی بے چین غلامی نوں
اللہ ای بہتر جان دا اے کیہہ شان مدینے والے دا
Arshi be chain salami nu, farshi be chain ghulami nu
Allah hi behtar jaan da ae kiya shaan Madine wale da
سرکار دے منّن والیاں دی تاریخ گواہی دیندی اے
کردا اے حکومت دنیا تے دربان مدینے والے دا
Sarkar de mann waliyaan di tareekh gawahi dindi ae
Karda ae hukoomat duniya te darbaan Madine wale da
سوہنے دے مسافر چلے نیں، چلے سوہنے دے ولّے نیں
سوہنے دیاں یاداں پلّے نے سامان مدینے والے دا
Sohne de musafir chale ne, chale sohne de walle ne
Sohne diyan yaadan palle ne samaan Madine wale da
سینے وچ یاد مدینے دی بُلّہاں تے نام محمدؐ دا
میرے تے ظہوریؔ ڈاہڈا اے احسان مدینے والے دا
Seene vich yaad Madine di bullaan te naam Muhammad (SAW) da
Mere te Zahoori dadda ae ehsaan Madine wale da
Share This Naat
Share with friends and family
ہندا اے کرم خوش بختاں تے سلطان مدینے والے دا
محمد علی ظہوری