نصیب ذرے کا پھر آفتاب ہو جائے
جو اِک نگاہِ رسالت مآب ہو جائے
Naseeb zarray ka phir aaftaab ho jaye
Jo ek nigah-e-Risalat Maab ho jaye
نبیؐ کے عشق میں ہو جائیں ہم جو وارفتہ
ہمارے دن سے فنا اضطراب ہو جائے
Nabi ﷺ ke ishq mein ho jayein hum jo waarfta
Hamare din se fana iztraab ho jaye
وہ خوش نصیب ہے طیبہ کی دید کا موقع
جسے حیات میں ہی دستیاب ہو جائے
Woh khush naseeb hai Taiba ki deed ka mauqa
Jise hayat mein hi dastiyab ho jaye
رسولِ پاکؐ کی سنت کو ہم جو اپنالیں
تو پل میں ختم یہ نازل عذاب ہو جائے
Rasul-e-Pak ﷺ ki sunnat ko hum jo apna lein
To pal mein khatam ye naazil azaab ho jaye
جسے حضورؐ شفاعت نصیب فرما دیں
بروزِ حشر وہ پھر کامیاب ہو جائے
Jise Huzoor ﷺ shafaat naseeb farma dein
Baroz-e-Hashar woh phir kamyaab ho jaye
صحابہ جیسا جو ہو جائے اپنا طرزِ عمل
جہاں میں برپا ابھی انقلاب ہو جائے
Sahaba jaisa jo ho jaye apna tarz-e-amaal
Jahan mein barpa abhi inqilab ho jaye
نبیؐ کو جو کہے مٹی میں مل گئے مر کر
الٰہی اس کی ہی مٹی خراب ہو جائے
Nabi ﷺ ko jo kahe mitti mein mil gaye mar kar
Ilahi uski hi mitti kharab ho jaye
بجائے عشق یہ بغضِ رسولؐ رکھتے ہیں
منافقین کا خانہ خراب ہو جائے
Bajaye ishq ye bughz-e-Rasul ﷺ rakhte hain
Munafiqeen ka khaana kharab ho jaye
عمل سے کتنے ہیں احسؔن نبیؐ کے ہم شیدا
چلو کہ اپنا بھی کچھ احتساب ہو جائے
Amal se kitne hain Ahsan Nabi ﷺ ke hum sheyda
Chalo ke apna bhi kuch ehtesaab ho jaye
Share This Naat
Share with friends and family
نصیب ذرے کا پھر آفتاب ہو جائے
احسن اعظمی