عرشِ حق ہے مسندِ رِفعت رسول اللہ کی
دیکھنی ہے حشر میں عزّت رسول اللہ کی
Arsh-e-Haq hai masnad-e-rif'at Rasool Allah ki
Dekhani hai Hashar mein izzat Rasool Allah ki
قبر میں لہرائیں گے تا حشر چشمے نُور کے
جلوہ فرما ہوگی جب طلعت رسول اللہ کی
Qabar mein lehraen ge ta Hashar chashme noor ke
Jalwa farma hogi jab tal'at Rasool Allah ki
کافروں پر تیغِ والا سے گِری برقِ غضب
اَبر آسا چھا گئی ہیبت رسول اللہ کی
Kaafiron par tegh-e-wala se giri barq-e-ghazab
Abr aasa chha gayi haibat Rasool Allah ki
لَا وَرَبِّ الْعَرْش جس کو جو مِلا ان سے ملا
بٹتی ہے کونین میں نعمت رسول اللہ کی
La wa Rabb-il-'Arsh jis ko jo mila unse mila
Bat'ti hai konain mein ni'mat Rasool Allah ki
وہ جہنم میں گیا جو اُن سے مستغنی ہوا
ہے خلیل اللہ کو حاجت رسول اللہ کی
Woh jahannum mein gaya jo unse mustaghni hua
Hai Khaleel Allah ko haajat Rasool Allah ki
سُورج اُلٹے پاؤں پلٹے چاند اِشارے سے ہو چاک
اندھے نجدی دیکھ لے قدرت رسول اللہ کی
Sooraj ul'te paon pal'te chaand ishare se ho chaak
Andhe najdi dekh le qudrat Rasool Allah ki
تجھ سے اور جنّت سے کیا مطلب وہابی دُور ہو
ہم رسول اللہ کے جنّت رسول اللہ کی
Tujh se aur jannat se kya matlab Wahabi door ho
Hum Rasool Allah ke jannat Rasool Allah ki
ذِکر روکے فضل کاٹے نقص کا جویاں رہے
پھر کہے مردک کہ ہوں امّت رسول اللہ کی
Zikr roke fazl kaate nuqs ka joyaN rahe
Phir kahe mardak ke hoon ummat Rasool Allah ki
نجدی اُس نے تجھ کو مہلت دی کہ اس عالم میں ہے
کافر و مرتَد پہ بھی رحمت رسول اللہ کی
Najdi usne tujh ko mohlat di ke is aalam mein hai
Kaafir o murtad pe bhi rahmat Rasool Allah ki
ہم بھکاری وہ کریم اُن کا خدا اُن سے فُزُوں
اور نا کہنا نہیں عادت رسول اللہ کی
Hum bhikari woh kareem unka Khuda unse fuzoon
Aur na kehna nahi adat Rasool Allah ki
اہلِ سنّت کا ہے بیڑا پار اَصحابِ حضور
نجم ہیں اور ناؤ ہے عترت رسول اللہ کی
Ahl-e-sunnat ka hai beira paar as'hab-e-huzoor
Najm hain aur nao hai itrat Rasool Allah ki
خاک ہو کر عشق میں آرام سے سونا مِلا
جان کی اِکسیر ہے اُلفت رسول اللہ کی
Khaak ho kar ishq mein aaraam se sona mila
Jaan ki ikseer hai ulfat Rasool Allah ki
ٹُوٹ جائیں گے گنہگاروں کے فوراً قید و بند
حشر کو کھل جائے گی طاقت رسول اللہ کی
Toot jaenge gunaahgaaron ke foran qaid o band
Hashar ko khul jaegi taqat Rasool Allah ki
یاربّ اِک ساعت میں دُھل جائیں سیہ کاروں کے جرم
جوش میں آجائے اب رحمت رسول اللہ کی
Yaarab ik saa'at mein dhul jaen siyah kaaron ke jurm
Josh mein aajae ab rahmat Rasool Allah ki
ہے گل باغ قُدُس رُخسارِ زَیبائے حضور!
سر وِ گلزارِ قدم قامت رسول اللہ کی
Hai gul baagh-e-qudus rukhsar-e-zaebaaye Huzoor!
Sar o gulzar-e-qadam kaamat Rasool Allah ki
اے رضاؔ خود صاحبِ قرآں ہے مَدَّاحِ حضور
تجھ سے کب ممکن ہے پھر مِدحت رسول اللہ کی
Ae Raza khud sahib-e-Qur'an hai mad-dah-e-huzoor
Tujh se kab mumkin hai phir mid'hat Rasool Allah ki
Share This Naat
Share with friends and family
عرشِ حق ہے مسندِ رِفعت رسول اللہ کی
احمد رضا خان بریلوی