جو ہے نعتِ سرور سنانے کے قابل
وہ ہے باغِ جنّت میں جانے کے قابل
Jo hai naat-e-sarwar sunane ke qabil
Woh hai bagh-e-jannat mein jane ke qabil
جمالِ حبیبِ خدا ہے نظر میں
تصور نہیں یہ ہٹانے کے قابل
Jamaal-e-habib-e-Khuda hai nazar mein
Tasawwur nahi yeh hatane ke qabil
رہِ دیں میں گھربار جو بھی لٹا دے
وہی آنکھ پر ہے بَٹھانے کے قابل
Rih-e-deen mein gharbaar jo bhi luta de
Wohi aankh par hai bithaane ke qabil
ہے لاریب خاکِ درِمصطفیٰ ہی
نگاہوں کا سرمہ بنانے کے قابل
Hai lareeb khaak-e-dar-e-Mustafa hi
Nagahon ka surma banane ke qabil
ثنائے نبی میں جو نکلے قلم سے
وہی شعر ہے داد پانے کے قابل
Sana'e Nabi mein jo nikle qalam se
Wohi she'r hai daad paane ke qabil
جمالِ رُخِ ”والضحیٰ“ کے ہی صدقے
ہوئے مَہر و مَہ جگمگانے کے قابل
Jamaal-e-rukh-e "wadduha" ke hi sadqe
Hue mehr o mah jagmagane ke qabil
کرو فکرِ عقبیٰ سدا تم اے احمدؔ
یہ دنیا نہیں دل لگانے کے قابل
Karo fikr-e-aqba sada tum ae Ahmad
Yeh duniya nahi dil lagane ke qabil
Share This Naat
Share with friends and family
جو ہے نعتِ سرور سنانے کے قابل
مولانا طفیل احمد مصباحی