اگر چمکا مقدر خاک پائے رہرواں ہو کر
چلیں گے بیٹھتے اُٹھتے غبارِ کارواں ہو کر
Agar chamka muqaddar khaak-e-paye rahrwa ho kar
Chalein ge baithte uthhte gubaar-e-kaarwan ho kar
شب معراج وہ دم بھر میں پلٹے لا مکاں ہو کر
بہارِ ہشت جنت دیکھ کر ہفت آسماں ہو کر
Shab-e-Meraj wo dam bhar mein palte la makaan ho kar
Bahar-e-hasht jannat dekh kar haft asman ho kar
چمن کی سیر سے جلتا ہے جی طیبہ کی فرقت میں
مجھے گلزار کا سبزہ رُلاتا ہے دُھواں ہو کر
Chaman ki sair se jalta hai ji tayyba ki furqat mein
Mujhe gulzaar ka sabza rulata hai dhuaan ho kar
تصور اس لب جاں بخش کا کس شان سے آیا
دلوں کا چین ہو کر جان کا آرامِ جاں ہو کر
Tasawwur is lab-e-jaan bakhsh ka kis shan se aaya
Dilon ka chain ho kar jaan ka araam-e-jaan ho kar
کریں تعظیم میری سنگِ اَسود کی طرح مومن
تمہارے در پہ رہ جاؤں جو سنگِ آستاں ہو کر
Karein ta'zeem meri sang-e-aswad ki tarah momin
Tumhare dar pe reh jaaun jo sang-e-astaan ho kar
دکھا دے اے خدا گلزارِ طیبہ کا سماں مجھ کو
پھروں کب تک پریشاں بلبل بے آشیاں ہو کر
Dikha de ay Khuda gulzaar-e-tayyba ka samaan mujh ko
Phiron kab tak pareshan bulbul be-aashiyan ho kar
ہوئے یمن قدم سے فرش و عرش و لامکاں زندہ
خلاصہ یہ کہ سرکار آئے ہیں جانِ جہاں ہو کر
Hue Yemen qadam se farsh o arsh o la makaan zinda
Khlasa ye ke sarkar aaye hain jaan-e-jahaan ho kar
ترے دست عطا نے دولتیں دیں دل کئے ٹھنڈے
کہیں گوہر فشاں ہو کر کہیں آبِ رَواں ہو کر
Tere dast-e-ata ne dolatein din dil kiye thande
Kahin gohar fishaan ho kar kahin aab-e-rwan ho kar
فدا ہو جائے امت اس حمایت اس محبت پر
ہزاروں غم لئے ہیں ایک دل پر شادماں ہو کر
Fida ho jaaye umat is himayat is muhabbat par
Hazaroon gham liye hain ek dil par shaadmaan ho kar
جو رکھتے ہیں سلاطیں شاہی ٔجاوید کی خواہش
نشاں قائم کریں ان کی گلی میں بے نشاں ہو کر
Jo rakhte hain salateen shahi yae jaweed ki khwahish
Nishaan qaaim karein un ki gali mein be nishaan ho kar
وہ جس رہ سے گزرتے ہیں بسی رہتی ہے مدت تک
نصیب اس گھر کے جس گھر میں وہ ٹھہریں میہماں ہو کر
Wo jis rah se guzarte hain basi rehti hai muddat tak
Naseeb us ghar ke jis ghar mein wo thehrain mehmaan ho kar
حسنؔ کیوں پاؤں توڑے بیٹھے ہو طیبہ کا رستہ لو
زمینِ ہند سرگرداں رکھے گی آسماں ہو کر
Hassan kyon paon tode baithe ho tayyba ka rasta lo
Zameen-e-Hind sargardaan rakhe gi aasman ho kar
Share This Naat
Share with friends and family
اگر چمکا مقدر خاک پائے رہرواں ہو کر
حسن رضا خان