بہارِ جاںفزا تم ہو نسیم داستاں تم ہو
بہارِ باغِ رِضواں تم سے ہے زیبِ جناں تم ہو
Bahar-e-jaan faza tum ho naseem daastaan tum ho
Bahar-e-baagh-e-rizwaan tum se hai zaib-e-jinaan tum ho
حبیبِ رَبِّ رحمٰں تم مکینِ لامکاں تم ہو
سرِ ہر دو جہاں تم ہو شہِ شاہنشہاں تم ہو
Habeeb-e-Rabb-e-Rehman tum makeen-e-laamakaan tum ho
Sar-e-har do jahaan tum ho sheh-e-shahan shahaan tum ho
حقیقت آپ کی مستور ہے یوں تو نہاں تم ہو
نمایاں ذَرّے ذَرّے سے ہیں جلوے یوں عیاں تم ہو
Haqeeqat aap ki mastoor hai yun to nihan tum ho
Namayaan zarray zarray se hain jalwe yun ayaan tum ho
حقیقت سے تمہاری جز خدا اور کون واقف ہے
کہے تو کیا کہے کوئی چنیں تم ہو چناں تم ہو
Haqeeqat se tumhari juz khuda aur kon waqeef hai
Kahe to kya kahe koi chuneen tum ho chunan tum ho
خدا کی سلطنت کا دو جہاں میں کون دولہا ہے
تم ہی تم ہو تم ہی تم ہو یہاں تم ہو وہاں تم ہو
Khuda ki saltanat ka do jahaan mein kon dulha hai
Tum hi tum ho tum hi tum ho yahan tum ho wahan tum ho
تمہارا نور ہی ساری ہے ا ن ساری بہاروں میں
بہاروں میں نہاں تم ہو بہاروں سے عیاں تم ہو
Tumhara noor hi saari hai in saari bahaaron mein
Bahaaron mein nihan tum ho bahaaron se ayaan tum ho
زمین و آسماں کی سب بہاریں آپ کا صدقہ
بہارِ بے خزاں تم ہو بہارِ جاوِداں تم ہو
Zameen o Aasmaan ki sab bahaaren aap ka sadqa
Bahar-e-be khazan tum ho bahar-e-jaa o daan tum ho
تمہارے حسن و رنگ و بو کی گل بوٹے حکایت ہیں
بہارِ گلستاں تم ہو بہارِ بوستاں تم ہو
Tumhare husn o rang o bu ki gul bote hikayat hain
Bahar-e-gulistaan tum ho bahar-e-bostaan tum ho
تمہاری تابشِ رُخ ہی سے روشن ذَرَّہ ذَرَّہہے
مَہ و خورشید و اَنجم برق میں جلوہ کناں تم ہو
Tumhari taabish-e-rukh hi se roshan zarra zarra hai
Mah o khursheed o anjum barq mein jalwa kanaan tum ho
نظر عارِف کو ہر عالم میں آیا آپ کا عالم
نہ ہوتے تم تو کیا ہوتا بہارِ ہر جہاں تم ہو
Nazar aarif ko har aalam mein aaya aap ka aalam
Na hote tum to kya hota bahar-e-har jahaan tum ho
تمہارے جلوئہ رنگیں ہی کی ساری بہاریں ہیں
بہاروں سے عیاں تم ہو بہاروں میں نِہاں تم ہو
Tumhare jalu-e-rangin hi ki saari bahaaren hain
Bahaaron se ayaan tum ho bahaaron mein nihan tum ho
مجسم رحمتِ حق ہو کہ اپنا غم نہ اَندیشہ
مگر ہم سے سیہ کاروں کی خاطر یوں رَواں تم ہو
Mujassim rehmat-e-Haq ho ke apna gham na andesha
Magar hum se siyaah karon ki khaatir yun rawaan tum ho
کجا ہم خاک اُفتادہ ُکجا تم اے شہ بالا
اگر مثل زمیں ہم ہیں تو مثل آسماں تم ہو
Kaja hum khaak uftaada kuja tum ae sheh baala
Agar misl-e-zameen hum hai to misl-e-aasmaan tum ho
یہ کیا میں نے کہا مثل سما تم ہو مَعَاذَ اللہ
مُنَزَّہ مثل سے برتر زِ ہر وہم و گماں تم ہو
Yeh kya mein ne kaha misl-e-samaa tum ho ma'az Allah
Munazzah misl se bartar ze har wahm o gumaan tum ho
میں بھولا آپ کی رِفعت سے نسبت ہی ہمیں کیا ہے
وہ کہنے بھر کی نسبت تھی کہاں ہم ہیں کہاں تم ہو
Main bhoola aap ki rif'at se nisbat hi humein kya hai
Woh kehne bhar ki nisbat thi kahan hum hain kahan tum ho
چہ نسبت خاک را با عالمِ پاکت کہ اے مولیٰ
گدائے بے نوا ہم ہیں شہِ عرش آستاں تم ہو
Che nisbat khaak ra ba aalam-e-paakut ke ae maula
Gadaaye be nawa hum hain sheh-e-arsh aastan tum ho
میں بیکس ہوں میں بے بس ہوں مگر کس کا تمہارا ہوں
َ تہِ دامن مجھے لے لو پناہِ بے کساں تم ہو
Main bekas hoon main bebas hoon magar kis ka tumhara hoon
Teh-e-daman mujhe le lo panaah-e-bekasaan tum ho
حقیقت میں نہ بیکس ہوں نہ بے بس ہوں نہ ناطاقت
میں صدقے جاؤں مجھ کمزور کے تاب و تواں تم ہو
Haqeeqat mein na bekas hoon na bebas hoon na na taaqat
Main sadqe jaaon mujhe kamzor ke taab o tawaan tum ho
ہمیں اُمید ہے روزِ قیامت اُن کی رحمت سے
کہ فرمائیں اِدھر آؤ نہ مایوس اَز جناں تم ہو
Humein ummid hai roz-e-qayamat un ki rehmat se
Ke farmaayein idhar aao na mayoos az jinaan tum ho
ستم کارو خطا کارو ِسیہ کارو جفا کارو
ہمارے دامنِ رحمت میں آجاؤ کہاں تم ہو
Sitamkaaro khata karo siyaah karo jafa karo
Humare daaman-e-rehmat mein aajao kahan tum ho
ستم کارو چلے آؤ چلے آؤ چلے آؤ
ہمارے ہو ہمارے ہو اگرچہ اَز بداں تم ہو
Sitamkaaro chalay aao chalay aao chalay aao
Humare ho humare ho agarche az badhaan tum ho
تمہارے ہوتے ساتے دَرد دُکھ کس سے کہوں پیارے
شفیعِ عاصیاں تم ہو وکیلِ ُمجرِماں تم ہو
Tumhare hote saate dard dukh kis se kahoon pyaare
Shafi-e-aasiyan tum ho wakeel-e-mujrimaan tum ho
مسیحِ پاک کے قرباں مگر جانِ دل و اِیماں
ہمارے دَرد کے دَرماں طبیبِ اِنس و جاں تم ہو
Maseeh-e-paak ke qurbaan magar jaan-e-dil o eemaan
Humare dard ke darmaan tabeeb-e-ins o jaan tum ho
دکھائے لاکھ آنکھیں مہرِ محشر کچھ نہیں پروا
خدا رکھے تمہیں تم ہو مرے اَمن و اَماں تم ہو
Dikhaye laakh aankhen mehr-e-mahshar kuch nahi parwa
Khuda rakhe tumhein tum ho mere aman o amaan tum ho
رِیاضت کے یہی دن ہیں بڑھاپے میں کہاں ہمت
جو کچھ کرنا ہو اب کرلو ابھی نوریؔ جواں تم ہو
Rihaazat ke yehi din hain burhape mein kahan himmat
Jo kuch karna ho ab karlo abhi Noori jawaan tum ho
فقط نسبت کا جیسا ہوں حقیقی نوری ہوجاؤں
مجھے جو دیکھے کہہ اُٹھے میاں نوری میاں تم ہو
Faqat nisbat ka jaisa hoon haqeeqi Noori ho jaaun
Mujhe jo dekhe keh uthhe miyaan Noori miyaan tum ho
ثنا منظور ہے ان کی نہیں یہ مُدّعا نوریؔ
سخن سنج و سخنور ہو سخن کے نکتہ داں تم ہو
Sana manzoor hai un ki nahin ye mudda Noori
Sukhan sanj o sukhanwar ho sukhan ke nukta daan tum ho
Share This Naat
Share with friends and family
بہارِ جاںفزا تم ہو نسیم داستاں تم ہو
مفتی مصطفٰی رضا خان