جگمگاتی ہے زمانے کی فضا کون آیا
ہر طرف پھیلے ہیں انوارِ خدا کون آیا
Jagmagati hai zamane ki fiza kaun aya
Har taraf phailai hain anwar-e Khuda kaun aya
مانگنے والے ہیں ممنونِ عطا کون آیا
سارے دارا و سکندر ہیں گدا کون آیا
Manganay walay hain mamnoon-e ata kaun aya
Saray dara o sikandar hain gada kaun aya
کس کے صدقے میں تجھے راحتِ کونین ملی
دل بے تاب ذرا یہ تو بتا کون آیا
Kis ke sadqe mein tujhe rahat-e konain mili
Dil-e betaab zara yeh to bata kaun aya
کھل گئے بابِ کرم دہر کے مجبوروں پر
ہوگیا درد کے ماروں کا بھلا کون آیا
Khul gaye bab-e karam dehr ke majboron par
Ho gaya dard ke maron ka bhala kaun aya
دین و ایمان بھی قربان مری جاں بھی نثار
کس کی تعظیم کو کعبہ ہے جھکا کون آیا
Deen o imaan bhi qurbaan meri jaan bhi nisaar
Kis ki tazeem ko Kaaba hai jhuka kaun aya
فرش ہم رتبہِء افلاک ہوا جاتا ہے
بزمِ کونین میں اے صلِّ علیٰ کون آیا
Farsh hum rutba-e aflaq hua jata hai
Bazm-e konain mein aye Sall-e Ala kaun aya
رحمتِ حق کی ہے بر سات گنہگاروں پر
لیکے دردِ غمِ عصیاں کی دوا کون آیا
Rehmat-e Haq ki hai bar- saat gunahgaron par
Leke dard-e gham-e isyan ki dawa kaun aya
وارثِ مُلک خدا مِلک ِ خدا کے مُعطی
جھولیاں بھرنے یہاں تیرے سوا کون آیا
Waris-e mulk Khuda milk-e Khuda ke muati
Jholiyan bharne yahan tere siwa kaun aya
آگیا لب پہ مرے اسِم محمدؐ خالدؔ
بزمِ احساس میں جب شور اٹھا کون آیا
Aa gaya lab pe mere ism-e Muhammadؐ Khalidؔ
Bazm-e ehsas mein jab shor utha kaun aya
Share This Naat
Share with friends and family
جگمگاتی ہے زمانے کی فضا کون آیا
خالد محمود خالد