محفل نعت نبی خوب سجا دی جائے
نامِ محبوب پہ ہر چیز لٹا دی جائے
Mehfil-e-naat-e-nabi khoob saja di jaye
Naam-e-mehboob pe har cheez luta di jaye
جو یہ چاہے کہ میسر ہو سکوں کی دولت
اس کو سرکار کی اک نعت سنا دی جائے
Jo ye chahe ke mayassar ho sakoon ki dolat
Us ko Sarkar ki ik naat suna di jaye
اُن کے در سے نہ کبھی غیر بھی لوٹا خالی
اُسی سرکار کے کوچے میں صدا دی جائے
Un ke dar se na kabhi ghair bhi lota khaali
Usi Sarkar ke kooche mein sada di jaye
جاں بلب تشنہء دیدار پڑا ہے در پر
شربت دید سے پیاس اس کی بجھا دی جائے
Jaan balb tashna-e-deedaar para hai dar par
Sharbat-e-deed se pyaas us ki bujha di jaye
مرے آقا کا یہ اخلاق کریمانہ ہے
تیر برسائے جو اس کو بھی دعا دی جائے
Mere Aaqa ka ye ikhlaaq-e-kareemana hai
Teer barsaye jo us ko bhi dua di jaye
میں یہاں رہ کے بھی جب چاہوں مدینہ دیکھوں
جو بھی دیوار ہے رستے سے ہٹا دی جائے
Main yahan reh ke bhi jab chahun Madina dekhun
Jo bhi deewar hai raste se hata di jaye
یا نبی آپ بدلتے ہیں جہاں کی قسمت
میری سوئی ہوئی قسمت بھی جگا دی جائے
Ya Nabi aap badalte hain jahan ki qismat
Meri soyi hui qismat bhi jaga di jaye
مرے سرکار کے ہر آن خزانے ہیں کھلے
مانگنے والوں کو یہ بات بتا دی جائے
Mere Sarkar ke har aan khazane hain khule
Maangne walon ko ye baat bata di jaye
آتش فرقت محبوب میں کب تک میں جلوں
مجھ کو بھی دامن رحمت کی ہوا دی جائے
Aatish-e-furqat-e-mehboob mein kab tak main jalun
Mujh ko bhi daaman-e-rahmat ki hawa di jaye
کوئے محبوب خدا میں بنے مدفن مرا
دوستو بس یہی اک مجھے کو دعا دی جائے
Kooye-mehboob-e-khuda mein bane madfan mera
Dosto bas yehi ik mujhe ko dua di jaye
تا قیامت کسی صورت بھی نہ اُٹھنے پائے
ان کی چوکھٹ پہ جبیں ایسے جھکا دی جائے
Ta qayamat kisi surat bhi na uthne paye
Un ki chaukhat pe jabin aise jhuka di jaye
میں بہر حال سناؤں گا نبی کی نعتیں
یہ اگر جرم ہے تو مجھ کو سزا دی جائے
Main beher haal sunaunga Nabi ki naatein
Ye agar jurm hai to mujh ko saza di jaye
لے کے نذرانہء جاں لاکھوں نکل آئیں گے
اُن کے دیدار کی گر شرط لگا دی جائے
Le ke nazrana-e-jaan laakhon nikal aayenge
Un ke deedaar ki gar shart laga di jaye
بعد مرنے کے نیازی یہ تمنا ہے مری
دشت طیبہ میں مری خاک اُڑا دی جائے
Baad marne ke Niazi ye tamanna hai meri
Dasht-e-Taybah mein meri khaak uda di jaye
Share This Naat
Share with friends and family
محفل نعت نبی خوب سجا دی جائے
عبدالستار نیازی