ہوا جلوہ فرما نگارِ مدینہ
دلہن بن گیا ہے دیارِ مدینہ
Hua jalwa farma nigar-e-Madina
Dulhan ban gaya hai diyar-e-Madina
معّطر معّطر ‘ منّور منّور
خوشا یاد قرب و جوارِ مدینہ
Muattar muattar, munawwar munawwar
Khusha yaad-e-qurb-o-jawar-e-Madina
کوئی نقش‘ نقشِ تمنّا نہیں ہے
نگاہوں میں ہے شاہکارِ مدینہ
Koi naqsh, naqsh-e-tamanna nahi hai
Nigaahon mein hai shahkar-e-Madina
ہوئے سر بہ سر سجدہ بتانِ مجازی
بڑھا جس طرف شہر یارِ مدینہ
Huwe sar ba sar sajda butan-e-majazi
Barha jis taraf shehr yar-e-Madina
شہنشاہِ شاہانِ عالی مراتب
گدائے درِ تاجدارِ مدینہ
Shahenshah-e-shahan-e-ali-maratib
Gada-e-dar-e-tajdar-e-Madina
ہیں اپنی جگہ خلد و فردوس لیکن
!!دیارِ مدینہ ‘ دیار ِ مدینہ
Hain apni jagah khuld-o-firdous lekin
!!Diyar-e-Madina, diyar-e-Madina
کوئی مجھ سے پوچھے میں کیا چاہتا ہوں
فقط ایک مشتِ غبارِ مدینہ
Koi mujh se poochay mein kya chahta hoon
Fakat aik musht-e-ghubar-e-Madina
سراپا عقیدت ہے اقبؔال یعنی
فدائے حرم ‘ جاں نثارِ مدینہ
Sarapa aqeedat hai Iqbal yani
Fida-e-haram, jaan nisar-e-Madina
Share This Naat
Share with friends and family
ہوا جلوہ فرما نگارِ مدینہ
پروفیسراقبال عظیم