اکٹھے ہوگئے جب بھی ترے مے خوارِ مے خانہ
خوشی میں جھوم جاتے ہیں در و دیوارِ مے خانہ
Akatthe hogaye jab bhi tere may khwar-e-may khana
Khushi me jhoom jate hain dar o deewar-e-may khana
وضو اشکوں سے ہوتا ہے یہاں پہ بادہ خواروں کا
ہوئے سجدے ادا جب بھی ہوا دیدارِ مے خانہ
Wuzu ashkon se hota hai yahan pe badah khwaron ka
Hue sajde ada jab bhi hua deedar-e-may khana
مری آنکھوں میں کوئی روشنی جچتی نہیں یارو
مجھے جب سے نظر آنے لگے انوارِ مے خانہ
Meri ankhon me koi roshni jachti nahi yaro
Mujhe jab se nazar ane lage anwar-e-may khana
نبی کا عشق، مرشد کی نظر بیداریاں شب کی
یہ دولت ہو تو پھر چلتا ہے کاروبارِ مے خانہ
Nabi ka ishq, murshid ki nazar bedarian shab ki
Ye daulat ho to phir chalta hai karobaar-e-may khana
نگاہوں سے نگاہوں نے کیے لبریز پیمانے
اسی رسمِ وفا کا نام ہے دربارِ مے خانہ
Nighahon se nighahon ne kiye labrez paimane
Isi rasm-e-wafa ka naam hai darbar-e-may khana
ظہوریؔ قلب مضطر کی تمنا ہے دمِ آخر
رہے پیشِ نظر میرے، مری سرکار مے خانہ
Zahoori qalb-e-muztar ki tamanna hai dam-e-akhir
Rahe pesh-e-nazar mere, meri sarkar-e-may khana
Share This Naat
Share with friends and family
اکٹھے ہوگئے جب بھی ترے مے خوارِ مے خانہ
محمد علی ظہوری