دو جہاں میں کوئی تم سا دوسرا ملتا نہیں
ڈھونڈتے پھرتے ہیں مہر و مہ پتا ملتا نہیں
do jahan mein koi tum sa dosra milta nahi
dhoondte phirte hain mehr o meh pata milta nahi
ہے رگِ گردن سے اَقْرَب نفس کے اندر ہے وہ
یوں گلے سے مل کے بھی ہے وہ جدا ملتا نہیں
hai rag-e gardan se aqrab nafas ke andar hai wo
yun gale se mil ke bhi hai wo juda milta nahi
آبِ بحرِ عشقِ جاناں سینہ میں ہے موجزن
کون کہتا ہے ہمیں آبِ بقا ملتا نہیں
aab-e bahr-e ishq-e jaanan seenah mein hai moojzan
kaun kehta hai humein aab-e baqa milta nahi
آبِ تیغِ عشقِ پی کر زندۂ جاوید ہو
غم نہ کر جو چشمۂ آبِ بقا ملتا نہیں
aab-e tegh-e ishq-e pi kar zindah-e javed ho
gham na kar jo chashmah-e aab-e baqa milta nahi
ڈوب تو بحرِ فنا میں پھر بقا پائے گا تو
قبل اَز بحرِ فنا بحرِ بقا ملتا نہیں
doob to bahr-e fana mein phir baqa payega tu
qabl az bahr-e fana bahr-e baqa milta nahi
دنیا ہے اور اپنا مطلب بے غرض مطلب کوئی
آشنا ملتا نہیں نا آشنا ملتا نہیں
duniya hai aur apna matlab be gharaz matlab koi
aashna milta nahi na aashna milta nahi
ذَرَّہ ذَرَّہ خاک کا چمکا ہے جس کے نور سے
بے بصیرت ہے جسے وہ مہ لقا ملتا نہیں
zarra zarra khaak ka chamka hai jis ke noor se
be baseerat hai jise wo meh laqa milta nahi
ذَرَّہ ذَرَّہ سے عیاں ہے ایسا ظاہر ہو کے بھی
قطرے قطرے میں نہاں ہے برملا ملتا نہیں
zarra zarra se ayan hai aisa zahir ho ke bhi
qatre qatre mein nahan hai bar mala milta nahi
جو خدا دیتا ہے ملتا ہے اسی سرکار سے
کچھ کسی کو حق سے اس دَر کے سوا ملتا نہیں
jo khuda deta hai milta hai isi sarkar se
kuch kisi ko haq se is dar ke siva milta nahi
کیا علاقہ دشمنِ محبوب کو اللہ سے
بے رضائے مصطفیٰ ہرگز خدا ملتا نہیں
kya alaqa dushman-e mehboob ko Allah se
be raza-e mustafa har guz khuda milta nahi
کوئی مانگے یا نہ مانگے ملنے کا دَر ہے یہی
بے عطائے مصطفائی مدعا ملتا نہیں
koi maangay ya na maangay milnay ka dar hai yehi
be ata-e mustafai mad'a milta nahi
رہنماؤں کی سی صورت راہ ماری کام ہے
راہزن ہیں کوبکو اور رہنما ملتا نہیں
rahnumaon ki si soorat raah mari kam hai
rahzan hain kobko aur rahnuma milta nahi
اہلے گہلے ہیں مشائخ آج کل ہر ہر گلی
بے ہمہ و باہمہ مردِ خدا ملتا نہیں
ahley gahley hain mashaikh aaj kal har har gali
be hama o ba hama mard-e khuda milta nahi
ہیں صفائے ظاہری کے سازو ساماں خوب خوب
جس کا باطن صاف ہو وہ باصفا ملتا نہیں
hain safaaye zahiri ke saaz o saaman khoob khoob
jis ka baatin saaf ho woh baasafa milta nahi
بر زباں تسبیح و در دل گاؤخر کا دور ہے
ایسے ملتے ہیں بہت اس سے وَرا ملتا نہیں
bar zaban tasbeeh o dar dil gao khar ka dour hai
aise milte hain bohot is se wara milta nahi
بس یہی سرکار ہے اس سے ہمیشہ پائیں گے
دینے والے دیتے ہیں کچھ دن سدا ملتا نہیں
bas yehi sarkar hai is se hamesha paenge
dene wale dete hain kuch din sada milta nahi
دور ساحل موج حائل پار بیڑا کیجئے
ناؤ ہے منجدھار میں اور ناخدا ملتا نہیں
door sahil mauj haail paar bera kijiye
naao hai manjdhar mein aur nakhuda milta nahi
وَصلِ مولیٰ چاہتے ہو تو وسیلہ ڈھونڈ لو
بے وسیلہ نجدیو ہرگز خدا ملتا نہیں
wasl-e moula chahte ho to waseela dhoond lo
be waseela najdiyo har guz khuda milta nahi
دامنِ محبوب چھوڑے مانگے خود اللہ سے
ایسے مردَک کو خدا سے مدعا ملتا نہیں
daman-e mehboob chhore mange khud Allah se
aise mardak ko khuda se mad'a milta nahi
ذَرَّہ ذَرَّہ قطرہ قطرہ سے عیاں پھر بھی نہاں
ہو کے شہ رگ سے قریں تر ہے جدا ملتا نہیں
zarra zarra qatra qatra se ayan phir bhi nahan
ho ke shahrag se qareen tar hai juda milta nahi
طائر جاں کی طرح دِل اُڑ کے جا بیٹھا کہاں
میرے پہلو میں ابھی تھا کیا ہوا ملتا نہیں
taair-e jaan ki tarah dil ur ke ja baitha kahan
mere pehlu mein abhi tha kya huwa milta nahi
دَہریہ اُلجھا ہوا ہے دَہر کے پھندوں میں یوں
سارا اُلجھا سامنے ہے اور سرا ملتا نہیں
dahriya uljha huwa hai dahr ke phandon mein yun
sara uljha samne hai aur sara milta nahi
علم صانع ہوتا ہے مصنوع سے لیکن اسے
دیکھ کر مصنوع صانع کا پتا ملتا نہیں
ilm saane hoota hai masnoo se lekin use
dekh kar masnoo saane ka pata milta nahi
نعمتِ کونین دیتے ہیں دوعالم کو یہی
مانگ دیکھو ان سے تم دیکھو تو کیا ملتا نہیں
nemat-e konain dete hain do aalam ko yehi
maang dekho in se tum dekho to kya milta nahi
سب سے پھر کر آئے ہیں اب شاہِ والا کے حضور
جز تمہارے شافعِ روزِ جزا ملتا نہیں
sab se phir kar aaye hain ab shah-e wala ke huzoor
jaz tumhare shafie roze jaza milta nahi
دَرد مندی کے لیے آدم سے تا عیسیٰ گئے
دے جو اپنے دَرد کی حکمی دوا ملتا نہیں
dard mandi ke liye aadam se ta isa gaye
de jo apne dard ki hukmi dawa milta nahi
جن سے امیدِ کرم تھی دے دیا سب نے جواب
آج کے کام آنے والا خسروا ملتا نہیں
jin se umeed-e karam thi de diya sab ne jawab
aaj ke kaam aane wala khusroa milta nahi
یاس کا عالم ہے سب سے آس توڑے آئے ہیں
ذاتِ والا کے سوا اور آسرا ملتا نہیں
yaas ka aalam hai sab se aas tode aaye hain
zaat-e wala ke siwa aur aasra milta nahi
جل رہے ہیں پھنک رہے ہیں عاشقانِ سوختہ
دھوپ ہے اور سایۂ زُلفِ رَسا ملتا نہیں
jal rahe hain phank rahe hain aashiqan-e sokhta
dhoop hai aur saaya-e zulf-e rasa milta nahi
وہ ہیں خورشید رسالت نور کا سایہ کہاں
اس سبب سے سایۂ خیر الوریٰ ملتا نہیں
wo hain khursheed-e risalat noor ka saaya kahan
is sabab se saaya-e khair ul wara milta nahi
دشمنِ جاں سے کہیں بدتر ہے دشمن دِین کا
ان کے دشمن سے کبھی ان کا گدا ملتا نہیں
dushman-e jaan se kahi badtar hai dushman deen ka
inke dushman se kabhi inka gada milta nahi
قاسم نعمت سے ہم مانگیں تو نجدی یوں بکیں
کیوں نبی سے مانگئے اللہ سے کیا ملتا نہیں
Qasim nemat se hum maangen to najdi yun bakeen
kyun nabi se maangye Allah se kya milta nahi
مُصْطَفٰی مَا جَآئَ اِلَّا رَحْمَۃً لِّلْعٰلَمِیْن
چارہ سازِ دَو سرا تیرے سوا ملتا نہیں
mustafa ma jaa illa rahmatan lilaalameen
chaara saaz-e doo sara tere siwa milta nahi
خود خدا بے واسطہ دے یہ ہمارا منہ کہاں
واسطہ سرکار ہیں بے واسطہ ملتا نہیں
khud khuda be wastah de ye hamara munh kahan
wasta sarkar hain be wastah milta nahi
ہم تو ہم وہ انبیاء کے بھی لیے ہیں واسطہ
ان کو بھی جو ملتا ہے بے واسطہ ملتا نہیں
hum to hum wo anbiya ke bhi liye hain wastah
in ko bhi jo milta hai be wastah milta nahi
اَنبیاء بعض اَولیاء فائز ہیں اس سرکار میں
ہر ولی کو راستہ بے واسطہ ملتا نہیں
anbiya baaz auliya faayaz hain is sarkar mein
har wali ko raasta be wastah milta nahi
دونوں عالم پاتے ہیں صدقہ اسی سرکار کا
خود خدا سے پائے جو ان کے سوا ملتا نہیں
dono aalam paate hain sadqa isi sarkar ka
khud khuda se paye jo inke siwa milta nahi
زَن زَمین و زَور اور زَر کے ہیں گاہک ہر کہیں
دل سے جو ہو طالب ذِکر خدا ملتا نہیں
zan zameen o zor aur zar ke hain gahak har kahin
dil se jo ho talib zikar khuda milta nahi
چارزا اِک ذال کے بدلے میں لیں چوکس رہے
یہ نہ سمجھے یہ اِکائی سیکڑا ملتا نہیں
chaar za ik zal ke badle mein lein chokas rahe
ye na samjhe ye ikai sekra milta nahi
دادِ دُنیا کیسا اُف سنتے نہیں فریاد بھی
سننے والا دَرد کا کوئی شہا ملتا نہیں
daad dunya kaisa uff sunte nahi faryad bhi
sunne wala dard ka koi shaha milta nahi
باپ ماں بھائی بہن فرزَندو زَن اِک اِک جدا
غم زَدہ ہر ایک ہے اور غم زُدہ ملتا نہیں
baap maan bhai bahan farzand-o zan ik ik juda
gham zada har ek hai aur gham zuda milta nahi
جو محب کی چیز ہے محبوب کے قبضے کی ہے
ہاتھ میں ہو جس کے سب کچھ اس سے کیا ملتا نہیں
jo muhabb ki cheez hai mehboob ke qabze ki hai
haath mein ho jis ke sab kuch us se kya milta nahi
دِل ستانی کرنے والے ہیں ہزاروں دِلربا
دِل نوازی کرنے والا دِلربا ملتا نہیں
dil satani karne wale hain hazaron dilruba
dil nawazi karne wala dilruba milta nahi
دِل گیا اچھا ہوا اس کا نہیں غم غم ہے یہ
لے گیا پہلو سے جو وہ دِلربا ملتا نہیں
dil gaya accha huwa uska nahi gham gham hai ye
le gaya pehlu se jo wo dilruba milta nahi
محی سنت حامی ملت وہ مجدد دِین کا
پیکر رُشد و ہدیٰ احمد رضا ملتا نہیں
mohi sunnat hami millat wo mujadid deen ka
paikar-e rushd o huda Ahmed Raza milta nahi
بے نوا کو بے صدا ملتا ہے اس سرکار سے
دودھ بھی بیٹے کو ماں سے بے صدا ملتا نہیں
be nawa ko be sada milta hai is sarkar se
doodh bhi betey ko maan se be sada milta nahi
کس طرح ہو حاضرِ دَر نوریؔٔ بے پر شہا
ناکے روکے دشمنوں نے راستہ ملتا نہیں
kis tarah ho hazir-e dar Noori be par shaha
naakay roke dushmanon ne raasta milta nahi
Share This Naat
Share with friends and family
دو جہاں میں کوئی تم سا دوسرا ملتا نہیں
مفتی مصطفٰی رضا خان