مجھ غم زدہ پہ جود و کرم کر دیئے گئے
سب دور دل سے رنج و الم کر دیئے گئے
Mujh Gham Zadah Pe Jood O Karam Kar Diye Gaye
Sab Door Dil Se Ranj O Alam Kar Diye Gaye
کچھ صورتِ نعوت لبوں کو عطا ہوئے
کچھ حرف میرے دل پہ رقم کر دیئے گئے
Kuch Soorat-e-Naut Labon Ko Ata Huye
Kuch Harf Mere Dil Pe Raqam Kar Diye Gaye
نظریں ،سرِ نیاز ،جبیں ،روح اور دل
سنگِ درِ حضور پہ خم کر دیئے گئے
Nazrain, Sar-e-Niaz, Jabeen, Rooh Aur Dil
Sang-e-Dar-e-Huzoor Pe Khum Kar Diye Gaye
مہکا ہوا ہے جن سے مری فکر کا جہاں
وہ حرفِ ثنا قلب میں ضم کر دیئے گئے
Mehka Hua Hai Jin Se Meri Fikar Ka Jahan
Woh Harf-e-Sana Qalb Mein Zam Kar Diye Gaye
آقا ،حسن، حسین، علی، دخترِ نبی
یہ پانچ نام روح پہ دم کر دیئے گئے
Aaqa, Hasan, Hussain, Ali, Dukhtar-e-Nabi
Yeh Paanch Naam Rooh Pe Dam Kar Diye Gaye
واقف وہی ہیں لذتِ ہجر و فراق سے
جو لوگ مشتِ خاکِ عجم کر دیئے گئے
Waqif Wohi Hain Lazzat-e-Hijr O Firaq Se
Jo Log Musht-e-Khaak-e-Ajam Kar Diye Gaye
ٹھنڈی ہوائیں آئیں جہاں سے حضور کو
اس ارضِ بخت یار سے ہم کر دیئے گئے
Thandi Hawaiyaan Aayin Jahan Se Huzoor Ko
Is Arz-e-Bakht Yaar Se Hum Kar Diye Gaye
میلاد کا یوں جشن منایا کریم نے
ہر سمت نصب سبز علم کر دیئے گئے
Milad Ka Yun Jashn Manaya Kareem Ne
Har Simt Nasb Sabz Alam Kar Diye Gaye
اشفاق در بدر تھے مرے فکر و فن، مگر
پھر نعت دے کے سُوئے حرم کر دیئے گئے
Ashfaq Dar Badar The Mere Fikar O Fun, Magar
Phir Naat De Ke Soo-e-Haram Kar Diye Gaye
Share This Naat
Share with friends and family
مجھ غم زدہ پہ جود و کرم کر دیئے گئے
اشفاق احمد غوری