اوہ آقا کملی والا اے رب دا محبوب سداندا اے
اوہ جو آکھے مولا منّے جو چاہندا اے ہوجاندا اے
O ah aaqa kamli wala ae rab da mehboob sadanda ae
O jo aakhe maula manne jo chahanda ae ho janda ae
میں حِلم دی کیہہ توصیف کراں اوہدے خلق دی کیہہ تعریف کراں
دشمن وی در تے آجاوے لاہ چادر ہیٹھ وچھاندا اے
Main hilm di kehe taoseef karaa ohde khalq di kehe tareef karaa
Dushman vii dar te aajave laah chadar heth vichhanda ae
ہتھ دو جگ دی سرداری اے کملی دی بکل ماری اے
وسنیک خدا دے گھر دا اے غاراں وچہ نیر وگاندا اے
Hath do jag di sardari ae kamli di bakal mari ae
Wasnik khuda de ghar da ae ghara wich ner wagaanda ae
چاہوے تے چن نوں توڑ دیوے دل منّے سورج موڑ دیوے
آجاوے موج تے پتھراں نوں اپنا کلمہ پڑھواندا اے
Chahe te chan nu tod dhivey dil manne sooraj mod dhivey
Aajawe moj te pathran nu apna kalma padhwanda ae
کوئی کیہہ سمجھے کوئی کیہہ جانے اوہدا رُتبہ مولا ای جانے
جنہاں توں پتھر کھاندا اے اوہناں دی خیر مناندا اے
Koi keh samjhe koi keh jaane ohda rutba maula e jaane
Jinnah tun pathar khanda ae ohna di khair mananda ae
مخلوق اوہدی شیدائی اے در اُتے جھکی خدائی اے
میں وی آس ظہوریؔ لائی اے کد سوہنا کول بلاندا اے
Makhlooq ohdi shaidai ae dar ute jhuki khudai ae
Main v aas Zahoori laai ae kad sohna kol balaanda ae
Share This Naat
Share with friends and family
اوہ آقا کملی والا اے رب دا محبوب سداندا اے
محمد علی ظہوری