Manqabat
اوہ پہلا محمدؐ دا ثنا خوان میں قربان
اوہ پہلا محمدؐ دا ثنا خوان میں قربان
میرے تے بڑا اوس دا احسان میں قربان
Oh pehla Muhammadؐ da sana khwan main qurban
Mere te vadda os da ahsan main qurban
توقیر ثنا خوان دی ہے اوس دا صدقہ
محسن ہے مرا حضرت حسانؓ میں قربان
Taqeer sana khwan di hai os da sadqa
Mohsin hai mera Hazrat Hassanؓ main qurban
منبر تے کھڑا نعت پڑھے اوس نبی دی
جبریلؑ جہدے در دا اے دربان میں قربان
Manbar te khada naat padhae os Nabi di
Jibraeelؑ jaheda dar da ae darbaan main qurban
بے مثل ملی داد کہ فرمایا نبی نے
ماں باپ مرے تیرے توں قربان میں قربان
Be misal mili daad keh farmaya Nabi ne
Maan baap mere tere ton qurban main qurban
اصحابیؓ تے فر شاعر دربار رسالت
دل میرا، مرا چین، مری جان، میں قربان
Ashabiؓ te far shayar darbaar-e-Risalat
Dil mera, mera chain, meri jaan, main qurban
توصیف محمدؐ دی ظہوریؔ دا وظیفہ
ایخو اے مرا دین تے ایمان میں قربان
Tauseef Muhammadؐ di Zahooriؔ da wazifa
Eikho ae mera deen te imaan main qurban
Share This Naat
Share with friends and family
اوہ پہلا محمدؐ دا ثنا خوان میں قربان
محمد علی ظہوری