Manqabat
لکھوں تو کیسے لکھوں میں مدحت تری حسین
لکھوں تو کیسے لکھوں میں مدحت تری حسین
ہوں مکتبِ سخن میں ابھی مبتدی حسین
Likhun to kaise likhun mai mad'hat teri Hussain
Hun maktab-e-sukhan mai abhi mubtadi Hussain
لختِ جگر بتول کے جانِ علی حسین
سبطِ رسول راکبِ دوشِ نبی حسین
Lakht-e-jigar Batool ke jaan-e-Ali Hussain
Sibt-e-Rasool raakib-e-dosh-e-Nabi Hussain
اسلام کے افق پہ کھلی روشنی حسین
تاریک کائنات کی تابندگی حسین
Islam ke afaq pe khuli roshni Hussain
Tareek kainaat ki tabindagi Hussain
کیسے قلم احاطہ کرے تیرے وصف کا
تو عالی مرتبت ہے اے ابنِ علی حسین
Kaise qalam ahatah kare tere wasf ka
Tu aali martabat hai ae ibn-e-Ali Hussain
اسلام کی رگوں میں لہو آپ ہی کا ہے
ہے آپ ہی کے دم سےتپش نبض کی حسین
Islam ki ragon mai lahu aap hi ka hai
Hai aap hi ke dum se tapish nabz ki Hussain
جب بھی کوئی یزید اٹھائے گا اپنا سر
سنت کریں گے ہم بھی ادا آپ کی حسین
Jab bhi koi Yazeed uthaye ga apna sar
Sunnat karenge hum bhi ada aap ki Hussain
ہوتا جہاں ہے ذکرِ شہیدانِ کربلا
ہوتی ہے آپ کی وہاں موجودگی حسین
Hota jahan hai zikr-e-shuhada-e-Karbala
Hoti hai aap ki wahan maujoodgi Hussain
آقا نے چن لیا جسے فرزند کے عوض
وہ جانِ مصطفےٰ ہیں فقط آپ ہی حسین
Aaqa ne chun liya jise farzand ke ewaz
Woh jaan-e-Mustafa hain faqat aap hi Hussain
خوابِ شفیقؔ میں بھی چلے آئیے کبھی
چھوٹا سا منہ ہے بات مگر ہے بڑی حسین
Khawab-e-Shafeeq mai bhi chale aaiye kabhi
Chhota sa munh hai baat magar hai barri Hussain
Share This Naat
Share with friends and family
لکھوں تو کیسے لکھوں میں مدحت تری حسین
شفیق ؔ رائے پوری