جلوۂ حُسنِ بقا ڈھونڈ رہی ہے دنیا
نُورِ محبوبِؐ خدا ڈھونڈ رہی ہے دنیا
Jalwa-e-husn-e-baqa dhoond rahi hai duniya
Noor-e-mehboob-e Khuda ﷺ dhoond rahi hai duniya
پھر مدینے کی فضا ڈھونڈ رہی ہے دنیا
اپنے ہر دکھ کی دوا ڈھونڈ رہی ہے دنیا
Phir madine ki fiza dhoond rahi hai duniya
Apne har dukh ki dawa dhoond rahi hai duniya
دیدنی ہے دَرِ سرکارؐ پہ خلقت کا ہجوم
کوئی دیکھے تو یہ کیا ڈھونڈ رہی ہے دنیا
Deedni hai dar-e sarkar ﷺ pe khalqat ka hujoom
Koi dekhe to ye kya dhoond rahi hai duniya
کتنے بے تاب ہیں ہر ایک جبیں میں سجدے
کس کا نقشِ کفِ پا ڈھونڈ رہی ہے دنیا
Kitne be taab hain har aik jabeen mein sajde
Kis ka naqsh-e kaf-e pa dhoond rahi hai duniya
وہ جو دنیا کی نگاہوں سے چھُپے رہتے ہیں
اُن کو دے دے کے صدا ڈھونڈ رہی ہے دنیا
Woh jo duniya ki nigahon se chhupe rehte hain
Un ko de de ke sada dhoond rahi hai duniya
دین کی فکر نہیں، خیر کے اُسلوب نہیں
صرف دنیا کا مزا ڈھونڈ رہی ہے دنیا
Deen ki fikr nahi, khair ke usloob nahi
Sirf duniya ka maza dhoond rahi hai duniya
مِل گئی ہے مجھے دامانِ رسالتؐ میں پناہ
مجھے کیوں صبح و مَسا ڈھونڈ رہی ہے دنیا
Mil gayi hai mujhe daaman-e ri saalat ﷺ mein panah
Mujhe kyun subah o masa dhoond rahi hai duniya
شافعِ حشرؐ نظر آئیں تو کچھ بات بنے
اِک قیامت ہے بپا، ڈھونڈ رہی ہے دنیا
Shafi’ hashhar ﷺ nazar aayein to kuch baat bane
Ik qayamat hai bapa, dhoond rahi hai duniya
سُرخرو ہو نہ سکے گی وہ کسی طَور نصیرؔ
ان سے ہٹ کر جو خدا ڈھونڈ رہی ہے، دنیا
Surkhru ho na sake gi woh kisi tor Naseer
Un se hat kar jo Khuda dhoond rahi hai, duniya
Share This Naat
Share with friends and family
جلوۂ حُسنِ بقا ڈھونڈ رہی ہے دنیا
سید نصیرالدیں نصیر