تڑپ دل میں نہ آنکھوں میں نمی ہے
ابھی کامل کہاں عشقِ نبی ہے
Tarap dil mein na aankhon mein nammi hai
Abhi kamil kahan ishq-e-nabi hai
سراپا نور ہے جو روشنی ہے
اگر ہے کوئی تو ذاتِ نبی ہے
Sarapa noor hai jo roshni hai
Agar hai koi to zaat-e-nabi hai
مدینے کی زیارت خوب کی ہے
مگر آنکھوں میں اب بھی تشنگی ہے
Madine ki ziarat khoob ki hai
Magar aankhon mein ab bhi tishnagi hai
درودِ پاک پڑھ کر دم کیا کر
مرض تیرا اگرچہ دائمی ہے
Durood-e-paak parh kar dam kiya kar
Maraz tera agarche daimi hai
تبھی خورشید چمکا آسماں کا
شعاعِ ماہِ طیبہ جب پڑی ہے
Tabhi khursheed chamka aasman ka
Shoa-e-mah-e-taiba jab pari hai
مدد کے واسطے تشریف لائیں
شہِ بطحا ! مصیبت کی گھڑی ہے
Madad ke wastay tashreef laayen
Sheh-e-batha ! Museebat ki ghari hai
نہیں ہے کوئی آقا کے سوا، اب
قیامت تک اُنہی کی پیروی ہے
Nahi hai koi aaqa ke siwa, ab
Qayamat tak unhi ki pairwi hai
شہا ! آکر اسے آباد کر دیں
بہت ویران دل کی جھوپڑی ہے
Sheha ! Aakar isay aabad kar dein
Bohat veeran dil ki jhopri hai
شفیقؔ آقا کی مدحت میں مزے سے
ہماری زندگی اب کٹ رہی ہے
Shafeeq aaqa ki maddahat mein maze se
Hamari zindagi ab kat rahi hai
Share This Naat
Share with friends and family
تڑپ دل میں نہ آنکھوں میں نمی ہے
شفیق ؔ رائے پوری