اللہ اللہ مدینہ ترا بَطحا تیرا
خُلد کی سمت نہ دیکھے کبھی شیدا تیرا
Allah Allah madina tera Batha tera
Khuld ki simt na dekhe kabhi sheda tera
جلوۂ حُسنِ مشیّت رُخِ زیبَا تیرا
سروِ بُستانِ حقیقت قدِ بالا تیرا
Jalwa-e- husn-e-mashay'at rukhe zeba tera
Sarv-e- bustan-e-haqeeqat qadd bala tera
لوگ سمجھے ہیں کہ ہے دیس مدینہ تیرا
درحقیقت ہے مِنَ اللہ ٹھکانا تیرا
Log samjhe hain keh hai des madina tera
Dar haqeeqat hai min Allah thikana tera
تیرا ثانی تو کہاں دہر میں اے ختمِ رُسل
ہم نے دیکھا نہیں اب تک کہیں سایا تیرا
Tera sani to kahan dahr mein aye khatam-e-rusal
Hum ne dekha nahi ab tak kahin saya tera
تیری طلعت ہے حقیقت میں خدا کی طلعت
وہی بندہ ہے خدا کا جو ہَے بندا تیرا
Teri tal'at hai haqeeqat mein Khuda ki tal'at
Wohi banda hai Khuda ka jo hai banda tera
تو جِدھر رُخ کو گھُمادے وہی کعبہ بن جائے
کِتنا محبُوب ہے اللہ کو منشا تیرا
Tu jidhar rukhe ko ghumade wohi Ka'ba ban jaye
Kitna mahboob hai Allah ko mansha tera
مَیں گنہگار ہُوں لیکن ترا کہلاتا ہُوں
مجھ کو لے دے کے سہارا ہے تو شاہا تیرا
Main gunahgar hun lekin tera kehlata hun
Mujh ko le de ke sahara hai tu shaha tera
لو گ اعظؔم کو پُکاریں ترا عاشِق کہہ کر
اِس کَرم کے ابھی لائِق کہاں بندا تیرا
Log A'zm ko pukaren tera aashiq keh kar
Is karam ke abhi layiq kahan banda tera
Share This Naat
Share with friends and family
اللہ اللہ مدینہ ترا بَطحا تیرا
محمد اعظم چشتی