میری بستی حجرۂ پائے رسولؐ
میں بھی ہوں باشندۂ پائے رسولؐ
Meri basti hujra-e-paaye Rasoolؐ
Main bhi hoon bashinda-e-paaye Rasoolؐ
اُن کے دروازے کا پتھر‘ میرا سر
میرا جھومر ذرۂ پائے رسولؐ
Unke darwaze ka pathar, mera sar
Mera jhoomar zarra-e-paaye Rasoolؐ
پہلی سیڑھی پر کھڑے ہیں آسماں
چڑھ رہا ہوں زینۂ پائے رسولؐ
Pehli seedhi par khare hain aasman
Chadh raha hoon zeena-e-paaye Rasoolؐ
طے نہ ہو کیوں آخرت تک کا سفر
ہے سواری‘ ناقۂ پائے رسولؐ
Tay na ho kyun aakhirat tak ka safar
Hai sawari, naaqa-e-paaye Rasoolؐ
کر رہی ہے زندگی میرا طواف
لے رہا ہوں بوسۂ پائے رسولؐ
Kar rahi hai zindagi mera tawaaf
Le raha hoon bosa-e-paaye Rasoolؐ
عشق و بینائی کی ہر دیوار پر
رکھ دیا آئینۂ پائے رسولؐ
Ishq o beenaai ki har deewar par
Rakh diya aina-e-paaye Rasoolؐ
میں سماعت کے سوا کچھ بھی نہیں
سُن رہا ہوں نغمۂ پائے رسولؐ
Main sama'at ke siwa kuch bhi nahi
Sun raha hoon naghma-e-paaye Rasoolؐ
نقب یہ دنیا لگا سکتی نہیں
زندگی ہے قلعۂ پائے رسولؐ
Naqab yeh duniya laga sakti nahi
Zindagi hai qil'a-e-paaye Rasoolؐ
تاج پہنوں گا مظفر حشر میں
میں بھی ہوں دیوانۂ پائے رسولؐ
Taaj pehnoonga Muzaffar Hashr mein
Main bhi hoon deewana-e-paaye Rasoolؐ
Share This Naat
Share with friends and family
میری بستی حجرۂ پائے رسولؐ
مظفر وارثی