مرحبا کیا شان کیا رُتبہ ترا
مدح گو ہے خود شہا مولیٰ ترا
Marhaba kya shaan kya rutba tera
Maddah go hai khud shaha maula tera
عقلِ عالم بھی رسا جس تک نہیں
مرتبہ ہے وہ مرے شاہا ترا
Aqal-e-aalam bhi rasa jis tak nahi
Martaba hai woh mere shaha tera
رب نہ پھر تخلیق کرتا کُچھ کبھی
ہوتا گر مقصود نہ ہونا ترا
Rabb na phir takhleeq karta kuch kabhi
Hota gar maqsood na hona tera
جس سے آگے پر جلیں جبریل کے
اُس سے بھی آگے ہُوا جانا ترا
Jis se aage par jalein Jibreel ke
Us se bhi aage huwa jaana tera
بے زباں سب ہوگیا نُطقِ عرب
اِس قدر تھا دِل نشیں خُطبہ ترا
Be-zubaan sab hogaya nuq-taq-e-Arab
Is qadar tha dil nasheen khutba tera
دے دئیے رب نے خزانے سب تُجھے
کھا رہا ہے کُل جہاں صدقہ ترا
De diye Rabb ne khazane sab tujhe
Kha raha hai kul jahan sadqa tera
مُٹ گئے سب مِٹتے ہیں مِٹ جائیں گے
نہ مِٹا ہے نہ مِٹے چرچہ ترا
Mutt gaye sab mitt-te hain mitt jayenge
Na mitta hai na mitte charcha tera
آج بھی ہےخوب تیری دھوم دھام
کل بھی ہوگا دھوم سے شُہرا ترا
Aaj bhi hai khoob teri dhoom dhaam
Kal bhi hoga dhoom se shoora tera
اُنگلیوں سے خوب چشمے بہہ گئے
فیض پر ہے جُود کا دریا ترا
Ungliyon se khoob chashme bah gaye
Faiz par hai jood ka darya tera
حشر میں سب اوّلین و آخریں
دیکھ لیں گے مرتبہ آقا ترا
Hashr mein sab awwaleen o aakhireen
Dekh lenge martaba aaqa tera
کام محشر میں بنے گا ہی نہیں
جب تلک ہوگا اِشارہ نا ترا
Kaam Mahshar mein banega hi nahi
Jab talak hoga ishara na tera
نار سے محفوظ ہو اُس کا بدن
دل میں جو رکھے ادب آقا ترا
Naar se mehfooz ho us ka badan
Dil mein jo rakhe adab aaqa tera
جانے تُجھ کو بس ترا ربِ کریم
شان کیا ہے مرتبہ ہے کیا تیرا
Jaane tujh ko bas tera Rabb-e-Kareem
Shaan kya hai martaba hai kya tera
مُلتجی ہُوں آخری جب وقت ہو
میرے لب پر ہو شہا کلمہ تیرا
Multaji hoon aakhri jab waqt ho
Mere lab par ho shaha kalma tera
بس یہ مرزا کے لئے اعزاز ہے
تیرا منگتا تیرا سگ شیدا تیرا
Bas yeh Mirza ke liye aizaaz hai
Tera mangta tera sag shaidai tera
Share This Naat
Share with friends and family
مرحبا کیا شان کیا رُتبہ ترا
مرزا جاوید بیگ عطاری